وزيراعظم جون جو بائيڊن کي آمريڪي صدر جو عهدو سنڀالڻ تي مبارڪون

 

اسلام آباد (ويب ڊيسڪ) جو بائيڊن کي آمريڪي صدر جو عهدو سنڀالڻ تي وزيراعظم عمران خان واڌايون پيش ڪيون آهن.

ٽوئيٽر تي ٽوئيٽ ڪندي وزيراعظم عمران خان لکيو ته اسان نئين چونڊيل آمريڪي صدر جو بائيڊن سان ڪم ڪرڻ جا منتظر آهيون.

سندس موجب جو بائيڊن سان پاڪ – آمريڪا ڀائيواري مضبوط ڪرڻ لاءِ پراميد آهيون ۽ آمريڪا سان واپار، معيشت ۽ ماحولياتي تبديلي جي مسئلي تي به ڪم جي خواهش رکون ٿا.

وزيراعظم عمران خان پنهنجي ٽوئيٽ ۾ وڌيڪ لکيو ته بدعنواني جي خاتمي ۽ خطي ۾ امن کي هٿي ڏيڻ لاءِ به آمريڪا سان گڏجي ڪم ڪرڻ چاهيون ٿا.

You might also like

Leave A Reply

Your email address will not be published.