ميان صاحب ( ويب ڊيسڪ ) ميان صاحب ويجهو ٻن ڌرين ۾ پراڻي تڪرار تان فائرنگ ۾ ٻن عورتن سميت ٽي ڄڻا مارجي ويا، جڏهن ته واقعي خلاف وارثن پاران احتجاجي مظاهرو ڪري ڌرڻو هنيو ويو،
ڳوٺ درياء خان ڀيو ۾ ڀيا- مارفاڻي تڪرار تان فائرنگ ۾ 20 ورهين جو نورد ڀيو سندس زال مسمات غلام فاطمه ڀيو ۽ مسمات نانا خاتون ڀيو مارجي ويون
اطلاع تي جهان واهه ٿاڻي سميت شڪارپور ضلعي جي مختلف ٿاڻن جي پوليس واقعي واري هنڌ پهچي لاش کڻائي سلطان ڪوٽ ۽ شڪارپور اسپتال منتقل ڪيا، جتان پوسٽ مارٽم کانپوءِ وارثن حوالي ڪيا ويندا.
ٻئي پاسي مقتولن جي وارثن سلطان ڪوٽ تي ڌرڻو هنيو ، جنهن سبب سنڌ ۽ بلوچستان ڏانهن ايندڙ ٽريفڪ معطل رهي
مقتولن جي وارثن اعليٰ اختيارين کان مطالبو ڪيو ته واقعي جو نوٽيس وٺي ملوث جوابدارن کي ڪيفر دار تائين پهچايو وڃي….
