ٽائون ڪميٽي ڇاڇرو جي ٽن وارڊن تان پ پ ڪامياب

ڇاڇرو (رپورٽ يعقوب بجير )ڇاڇرو ۽ ڏاهلي جي هڪ ٽائون ڪاميٽي ۽ 27 يونين ڪائونسلن تي پولنگ مرحلو مڪمل. غير سرڪاري ۽ غير حتمي نتيجن موجب ٽائون ڪميٽي ڇاڇرو جي ٽن وارڊن  تي پاڪستان پيپلز پارٽي جا اميدوار ، هڪ وارڊ پي ٽي آئي۽  هڪ وارڊ تي آزاد اميدوار ڪامياب. ٽائون ڪاميٽي ڇاڇرو جي وارڊ نمبر 1 تي پاڪستان پيپلزپارٽي جي نامزد اميدوار ايڊووڪيٽ مير مرتضي بجير 639 ووٽ کڻي ڪاميابي حاصل ڪئي جڏهن ته  آزاد اميدوار الهداد بجير 440 ووٽ حاصل ڪيا ۽ تحريڪ انصاف جي امير حسن بجير 340 ووٽ کڻي سگهيو. وارڊ نمبر 2 تي  پاڪستان پيپلز پارٽي جي مکي ڀيرولال 392 ووٽ کڻي ڪاميابي حاصل ڪئي ۽ تحريڪ انصاف جي سڪيلڌو نهڙي 250 ۽  آزاد اميدوار مهاديو مينگهواڙ  231 ووٽ کڻي سگهيو. وارڊ نمبر 3 تي  تحريڪ انصاف جي اميدوار سوائي راٺي  537حاصل ڪري ڪاميابي ماڻي ۽ پاڪستان پيپلز پارٽي جو اميدوار لال ڪمار شارڌا 501 ووٽ حاصل ڪري سگهيو. وارڊ نمبر 4 تي پاڪستان پيپلزپارٽي جو اميدوار گهمرو مل 785 ووٽ کڻي سوڀارو ٿيو ۽ سامهون بيٺل آزاد اميدوار صٻحان سميجو کي 352 ووٽ مليا، چوني لال مينگهواڙ کي 474 ۽ جبار ڪنڀار 319 ووٽ کڻي سگهيو. وارڊ نمبر 4 تي  آزاد اميدوار ايوب مڱريو 970 ووٽ کڻي ڪامياب ماڻي ۽ سامهون بيٺل پاڪستان پيپلزپارٽي جو اميدوسر حڪمون مينگهواڙ 660 ووٽ کڻي سگهيو. جڏهن ته  ڇاڇرو ۾ ڏاهلي جي 27 يونين ڪائونسل تي ٿيندڙ بلدياتي اليڪشن  جي حوالي سان مليل ڄاڻ موجب  مختلف  پولنگ اسٽيشنن  تي جهيڙن جا پن اطلاع مليا.

 

You might also like

Leave A Reply

Your email address will not be published.