صدر نيب ترميمي بل 2022 به بنا صحيح جي واپس ڪري ڇڏيو

 

اسلام آباد (ويب ڊيسڪ) صدر عارف علوي چونڊ ترميمي بل کانپوءِ نيب ترميمي بل 2022 به صحيح بنا وزيراعظم آفيس کي واپس موڪلي ڇڏيو.

صدر جي آفيشل ٽوئيٽر اڪائونٽ موجب ڊاڪٽر عارف علوي نيب آرڊيننس ۾ ترميم جي بل تي صحيحون نه ڪيون.

هن چيو ته مان ذاتي طور تي آئين جي پاسداري ڪيان ٿو، اسان کي قرآن ۽ سنت جي حڪمن تي عمل ڪرڻ گهرجي ۽ سڀني کان وڌيڪ مان الله پاڪ سامهون جوابده آهيان ۽ ان کان معافي جو طلبگار آهيان، تنهن ڪري مون کي تڪليف سان چوڻو پئجي رهيو آهي ته منهنجو ضمير مون کي ان بل تي صحيح جي اجازت نٿو ڏئي.

صدر عارف علوي صحيح بنا بل واپس موڪلڻ سان گڏ وزيراعظم کي هڪ خط به موڪليو آهي، جنهن ۾ هن ان کي رجعت پسند قرار ڏنو آهي.

سندس موجب ان بل سان قانون جي وڏن هٿن کي مفلوج ڪري بدعنواني کي هٿي حاصل ٿيندي، اهو بل بدعنوان عنصرن لاءِ واضح پيغام آهي ته هو ڪنهن کي به جوابده ناهن، احتساب جي عمل کي ڪمزور ڪرڻ آئين جي خلاف آهي، اهو پاڪستاني عوام جي بنيادي حقن جي به خلاف آهي.

هن وڌيڪ چيو ته سڄي دنيا جا ملڪ وائيٽ ڪالر ڪرائم تي ضابطي جون ڪوششون ڪري رهيا آهن، ايف اي ٽي ايف به مني لانڊرنگ جي روڪٿام لاءِ ڏهاڪن کان ڪم ڪري رهي آهي.

You might also like

Leave A Reply

Your email address will not be published.