ٺٽي ۾ قتل ڪيس جي جوابدارن کي عمر قيد

ٺٽو (بيورو) ماڊل ٽرائيل ڪورٽ ٺٽو جي عدالت پاران گهارو واسي نوجوان کي بيدردي سان قتل ڪندڙ ٽن جوابدارن کي عمر قيد جي سزا ۽ چار لک روپيا ڏنڊ ادا ڪرڻ جو حڪم  ڏيئي ڇڏيو. 3 سال اڳ گهارو ۾ مقتول فياض ڪنڀار کي پڪڙي ڇُرن سان ڪُهي قتل ڪرڻ جو ڏوھ ثابت ٿيڻ تي ٺٽي جي ماڊل ماڊل ٽرائل ڪورٽ ۽ فرسٽ ايڊيشنل سيشن جج الهبچايو گبول جي عدالت جوابدارن کي عمرقيد جي سزا ۽ ڏنڊ ادا ڪرڻ جو فيصلو ڏيئي ڇڏيو آھي. جوابدارن شان علي چانڊيو، محراب لاشاري ۽ عاطف پنهور کي عمر قيد جي سزا ٻڌائي وئي، مُک جوابدار محراب لاشاري تي 2 لک روپيا ڏنڊ ۽ سندس ساٿي ٻن جوابدارن شان علي چانڊيو ۽ عاطف پنهور کي هڪ هڪ لک روپيا ڏنڊ پڻ ادا ڪرڻ جو حڪم ڏئي ڇڏيو آھي. عدالتي فيصلي جي موقعي تي ٽيئي جوابدار عدالت ۾ پيش ٿيا، کين سينٽرل جيل حيدرآباد اماڻيو ويو. جيڪو ڪيس گھارو ٿاڻي تي درج ٿيل ھو،  ڪيس جي پيروي ناليواري نوجوان وڪيل زاھد علي ڪنڀر ڪئي.

 

You might also like

Leave A Reply

Your email address will not be published.