عالمي جوهري توانائي ايجنسي طرفان پاڪستان جي واکاڻ

 

اسلام آباد (ويب ڊيسڪ) عالمي جوهري توانائي ايجنسي (آءِ  اَي  اِي  اَي) جي وفد پاڪستان جو ٽن ڏينهن جو دورو ڪيو ۽ پاڪستان طرفان تنظيم جي سفارشن موجب کنيل جوهري سلامتي جي قدمن جي واکاڻ ڪئي.

پرڏيهي کاتي موجب آءِ  اَي  اِي  اَي جي نيوڪليئر سيڪيورٽي ڊويزن جي سربراهه راجا عبدالعزيز عدنان جي قيادت ۾ عالمي جوهري توانائي ايجنسي جي وفد ڪراچي نيوڪليئر پاور پلانٽ جو دورو ڪيو.

هي به پڙهي سگهو ٿا: ايم ڪيو ايم باني جو ڀارتي چئنل تي انٽرويو: پرڏيهي ترجمان ڇا چيو…؟

وفد پاڪستان نيوڪليئر ريگيوليٽري اٿارٽي جي چيئرمين ظهير ايوب بيگ ۽ پاڪستان جوهري توانائي ڪميشن جي چيئرمين محمد نعيم سان ملاقات به ڪئي.

آءِ  اَي  اِي  اَي وفد پاڪستان طرفان پنهنجي سفارشن موجب کنيل جوهري سلامتي جي قدمن جي تعريف ڪئي.

وفد جو چوڻ هو ته پاڪستان جوهري سلامتي کي هٿي ڏيڻ لاءِ آءِ  اَي  اِي  اَي جي ڪوششن ۾ حصو وٺي رهيو آهي.

واضح رهي ته آءِ  اَي  اِي  اَي جو اهو دورو پاڪستان نيوڪليئر سيڪيورٽي سهڪار پروگرام جو حصو هو.


تازا ترين خبرن کان هر وقت باخبر رهڻ لاءِ هيٺ ڏنل لنڪ تي ڪلڪ ڪري عوامي آواز جو واٽس ايپ گروپ جوائن ڪيو

https://chat.whatsapp.com/2zMUMcLlz5B8jnRMoitnpX

You might also like

Leave A Reply

Your email address will not be published.