*نوشهرفيروز ۾ اين سي ايڇ ڊي استادن پاران اسلام آباد ۾ پوليس طرفان ڊي چوڪ تي احتجاج تي ويٺل استادن تي هڪ دفعو ٻيهر وحشياڻي تشدد ۽ استادن جي گرفتارين خلاف احتجاجي مظاهرو ڪيو ويو.
ان موقعي تي اڳواڻن محمد مبين راڄپر، روشن علي، ڪرمي علي اڪبر ڏاهري، عطا محمد جانوري ۽ ٻين چيو ته اسلام آباد پوليس جائز مطالبن لاءِ احتجاج تي ويٺل اين سي ايڇ ڊي استادن تي ٻيهر وحشياڻي تشدد ۽ گرفتاريون ڪرڻ واري واقعي جي هو سخت لفظن ۾ مذمت ڪن ٿا.
هنن چيو ته 15 سالن کان پرائمري اسڪولن ۾ تعليم ڏيندڙ استادن کي سندن حق ڏيڻ بجاءِ اسلام آباد جي روڊ رستن تي گهلي تذليل ڪرڻ شرمناڪ عمل آهي.
هنن چيف جسٽس آف پاڪستان ۽ ٻين وس وارن کان مطالبو ڪيو ته اسلام آباد ۾ استادن مٿان ڪيل تشدد جو نوٽيس وٺي انصاف ڪيو وڃي ٻي صورت ۾ احتجاج جو دائرو وڌايو ويندو …………..
*******
