سلمان خان کانپوءِ ڪرن جوهر جو نالو به قاتل گينگ جي لسٽ ۾ شامل

نئين دهلي (ويب ڊيسڪ) ڀارت جي مشهور فنڪار سڌو موسي والا جي قتل ۾ ملوث ڏوهاري گينگ جي تيار ڪيل لسٽ ۾ فلمساز ۽ هدايتڪار ڪرن جوهر جو نالو شامل ڪيو ويو اهي.

لارنس بشنوئي گينگ جي ڪارڪن انڪشاف ڪيو آيه ته تيار ڪيل هٽ لسٽ تحت ڪرن جوهر کان به ڀتو اوڳاڙڻو هو.

رپورٽ موجب سڌو موسي والا کي قتل ڪندڙ شوٽر سنتوش جاڌو جي ويجهي ساٿي سڌيش ڪامبلي عرف ماهاڪل هڪ ٻئي ڪيس ۾ گرفتاري کانپوءِ پڇا ڳاڇا دوران اهو انڪشاف ڪيو.

هن چيو ته ڪرن جوهر کان پنج ڪروڙ ڀتو اوڳاڙڻ جو منصوبو هو، گينگ ڌمڪيون ڏئي ڪرن جوهر کان پنج ڪروڙ اوڳاڙڻ جو منصوبو رٿيو هو.

پوليس چيو آهي ته معاملي جي وڌيڪ جاچ ڪئي پئي وڃي.

ياد رهي ته ان کان اڳ گينگ سلمان خان جي ريڪي ڪري کيس قتل ڪرڻ جو به منصوبو ٺاهيو هو.

You might also like

Leave A Reply

Your email address will not be published.