اسلام آباد (ويب ڊيسڪ) نجي يونيورسٽين سميت سڀني نجي ادارن لاءِ لفظ ”نيشنل“ استعمال ڪرڻ تي پابندي لاڳو ڪئي وئي.
ذريعن موجب سڀني نجي ادارن جي نالي ۾ استعمال ٿيندڙ لفظ نيشنل ختم ڪرائڻ جي هدايت ڪئي وئي آهي.
ذريعن جو چوڻ آهي ته وزيراعظم جي هدايت تي سڀني وزارتن ۽ ادارن کي گائيڊ لائنز جاري ڪيون ويون آهن.
وفاقي ڪابينا ذريعن موجب لاڳاپيل وزارتون ۽ ادارا نجي شعبي جي ڪمپنين ۽ ادارن لاءِ لفظ نيشنل جو استعمال فوري طور روڪرائين، نجي يونيورسٽين ۽ ڪمپنين ۾ اهڙو ڪو لفظ استعمال نه ڪيو وڃي، جنهن سان سرڪاري اداري جو تاثر ملي.
ڪابينا ڊويزن سڀني وزارتن ۽ ادارن کان عملدرآمد رپورٽ به طلب ڪري ورتي.
