پڊعيدن مان کنڀي گم ڪيل صحافي کي آزاد ڪريو، نوشهري ۾ ڌرڻو

نوشھرو فيروز/پڊعيدن ( نمائنده) پڊعيدن جي صحافي حيدر بخش پلھه جي آزادي لاءِ سياسي سماجي اڳواڻ  رڪن الدين قريشي، شھيد ڀٽو اڳواڻ محمد سچل راڄپر ،  ايم ظفر تڳر چيئرمين سنڌ صحافي اتحاد ويلفيئر آرگنائيزيشن سنڌ مجيب الرحمان ڀريجو، قيوم راڄپر ،عبدالجبار پلھه، ممتاز ابڙو، عبدالحفيظ پلھه، ساجد جويو ،ڪامران جويو،  مجاھد شر جي اڳواڻي  ۾  پريس ڪلب  پڊعيدن کان ريلي ڪڍي احتجاجي مظاھرو ڪري نصرت  ڪئنال پل تي ڌرڻو ھنيو ويو ۽ صحافي حيدر بخش پلھه جي بنا جواز گرفتاري خلاف سخت نعريبازي ڪئي وئي، احتجاجي ڌرڻي ۾ شريڪ صحافي ۽ سياسي سماجي اڳواڻن پير رڪن الدين ھاشمي ٻين  چيو ته صحافي حيدر پلهھ کي 8 ڏينھن اڳ رات جي اونداھي ۾ چادر ۽ چوديواري جو تقدس پائمال ڪندي مٿس تشدد ڪري بنا جواز گرفتار ڪري کيس گم ڪيو ويو آھي،  صحافي حيدر بخش پلھه  کي غريب ۽ مظلومن جو آواز اعليٰ ايوانن تائين پھچائڻ جي ڏوھ ۾ کنڀيو ويو آھي جيڪا سراسر ناانصافي آھي، هو ڪنهن ڪيس ۾ گهربل آهي ته  کيس  ڪورٽ ۾ پيش ڪيو وڃي، ٻئي صورت ۾کيس فوري طور تي آزاد ڪري صحافين مان بيچيني ختم ڪئي وڃي.

 

You might also like

Leave A Reply

Your email address will not be published.