مريم نواز ۽ شاهد خاقان عباسي خلاف توهين عدالت جي درخواست رد

 

اسلام آباد (ويب ڊيسڪ) اڳوڻي چيف جسٽس ثاقب نثار خلاف بيانن تي مريم نواز ۽ شاهد خاقان عباسي خلاف توهين عدالت جي درخواست رد ڪئي وئي آهي.

اڳوڻي چيف جسٽس ثاقب نثار خلاف بيان ڏيڻ تي ن ليگ نائب صدر مريم نواز ۽ اڳوڻي وزيراعظم شاهد خاقان عباسي خلاف توهين عدالت جي درخواست تي اسلام آباد هاءِ ڪورٽ ۾ ٻڌڻي ٿي.

اسلام آباد هاءِ ڪورٽ جي چيف جسٽس درخواست کي ٻڌڻي جوڳو قرار نه ڏيندي رد ڪري ڇڏيو ۽ ريمارڪس ڏنا ته اڳوڻي چيف جسٽس تي انفرادي حيثيت ۾ تنقيد ڪئي وئي، اهو توهين عدالت جو ڏوهه ناهي.

جسٽس اطهر من الله چيو ته عدالت هڪ فيصلي ۾ چئي چڪي آهي ته جج قانون کان مٿانهان نه ۽ جوابدار آهن، توهين عدالت جي اختيار جو استعمال رڳو ان وقت ئي جائز آهي، جڏهن اهو عوامي مفاد ۾ هجي.

واضح رهي ته گلگت بلتستان جي اڳوڻي چيف جج راڻا شميم جي حلفي بيان ۽ ان کانپوءِ مريم نواز ۽ شاهد قاخان عباسي جي تقريرن خلاف عدالت ۾ درخواست داخل ڪرائيندي ٻنهي کي ڌر بڻايو ويو هو.

درخواست ۾ چيو ويو هو ته مريم نواز ۽ شاهد خاقان عباسي عدالت جي توهين ڪئي، ٻنهي عدليا خلاف توهين جوڳا لفظ استعمال ڪيا، تنهن ڪري انهن خلاف توهين عدالت جي ڪارروائي ڪئي وڃي.

You might also like

Leave A Reply

Your email address will not be published.