ماني مهانگي ڪرڻ جون تياريون، گئس ڏيڍ سئو سيڪڙو مهانگي ڪرڻ جا سانباها

لاهور (م ڊ)  سوئي ناردرن گئس پائپ لائنز لميٽيڊ (ايس اين جي پي ايل) گئس جي سراسري قيمت ۾ وڏي واڌ جي درخواست ڏئي ڇڏي. سوئي ناردرن طرفان آئل اينڊ گئس ريگوليٽري اٿارٽي (اوگرا) کي گئس جي سراسري قيمت ۾ 157.50 سيڪڙو واڌ جي درخواست ڪئي وئي آهي. ايس اين جي پي اي جي گئس جي قيمت ۾ واڌ بابت درخواست تي پهرين ڊسمبر تي لاهور ۾ عوامي ٻڌڻي ٿيندي. واضح رهي ته ملڪ ۾ گئس جو بحران شدت اختيار ڪري ويو آهي ۽ عوام سخت ڏکيائين کي منهن ڏئي رهيو آهي. ٿڌ وڌڻ سان گڏ ملڪ جي مختلف علائقن ۾ گئس جي لوڊشيڊنگ شروع ٿي وئي آهي، جڏهن ته مهانگائيءَ جي طوفان سبب ٻاهران کاڌو گهرائڻ لاءِ عوام لاءِ ڪنهن چئلينج کان گهٽ ناهي. گئس کوٽ سبب جتي گهريلو واهپيدار تڪليف ۾ آهن، اتي ئي وري ملڪ جي مختلف شهرن ۾ صنعتي علائقن ۾ به گئس جي کوٽ سبب پيداوار متاثر ٿي رهي آهي. هوڏانهن وفاقي ڪابينا ڪيپٽو پاور پلانٽ لاءِ گئس جو اگهه ٻه ڏهائي 5 ڊالر ايم ايم بي ٽي يو واڌ جي منظوري ڏئي ڇڏي آهي. وزيراعظم جي صدارت هيٺ اجلاس ۾ گئس جي کوٽ ۽ مهانگي گهرايل گئس سبب ڪيپٽو پاور پلانٽ لاءِ گئس مهانگي ڪئي وئي. ذريعن جو چوڻ آهي ته اجلاس ۾ پيٽرول بحران ڪميشن جي رپورٽ تي ڪابينا ڪميٽي جون سفارشون پيش ڪيون ويون. وفاقي ڪابينا پيٽروليم ڊويزن جي سمري تي واڌ جي منظوري ڏني آهي. ڪيپٽو پاور پلانٽن کي گئس 6.5 ڊالرن بدران 9 ڊالر في ايم ايم بي ٽي يو ڏني ويندي.  03

 

You might also like

Leave A Reply

Your email address will not be published.