انجير جا صحت لاءِ حيرت انگيز فائدا

خشڪ انجير سياري جي موسم ۾ بهترين ناشتو سمجهيا ويندا آهن انهن ۾ وٽامنز، معدنيات ۽ اينٽي آڪسيڊنٽس جو ججهو مقدار موجود هوندو آهي.

ماهرين موجب رڳو ٽي کان چار انجير رات جو اڌ ڪوپ پاڻي ۾ پُسائجن ۽ انهن کي صبح جو نيراني کائجن ته توهان جي صحت تي حيرت انگيز فائدا پوندا.

انجير ۾ پوٽاشيم جو مقدار به تمام گهڻو هوندو آهي جيڪو توهان جي جسم ۾ شگر جي سطح کي ڪنٽرول ڪندو آهي.

انکانسواءِ انجير ۾ ڪلوروجينڪ ايسڊ رت ۾ شگر جي سطح کي گهٽائڻ ۾ مددگار ثابت ٿيندو آهي.

ڀڳل انجير کائڻ سان ٽائپ ٽو ذيابطيس ۾ رت ۾ گلوڪوز جي سطح تي به ضابطو آڻي سگهجي ٿو.

توهان سلاد، اسموٿيز، ڪارن فليڪس يا کير ۾ ڪٽيل انجير کي شامل ڪري به کائي سگهجي ٿو.

انجير ۾ فائبر هوندو آهي جيڪو آنڊن جي باقائدا حرڪت کي برقرار رکڻ ۾ مدد ڪندو آهي، جيڪي ماڻهو مختلف وقتن ۾ قبضي سان منهن ڏيندا آهن اُهي ان کان بچڻ ۽ صحتمند آنڊن کي برقرار رکڻ جي لاءِ پنهنجي خوراڪ ۾ انجير کي شامل ڪن.

جيڪڏهن توهان وزن گهٽائڻ واري کاڌن تي عمل ڪري رهيا آهيو ته توهان کي پنهنجي ڊائيٽ چارٽ ۾ انجير کي به شامل ڪرڻ گهرجي.

انجير ۾ موجود اينٽي آڪسيڊنٽس بلڊ پريشر جي سطح کي ڪنٽرول ڪندي جسم مان فِري ريڊيڪل کي ختم ڪرڻ ۾ مدد ڏيندا آهن.

ڪيترن ئي مطالعن مان خبر پئي آهي ته انجير جسم ۾ ٽرائگليسرائيڊز جي سطح کي گهٽائڻ ۾ مددگار ثابت ٿيندو آهي جيڪو دل بابت مسئلن جو هڪ وڏو سبب آهي.

انکانسواءِ انجير ڪيلشيم جي سُٺي خوراڪ فراهم ڪري توهان جي هڏن کي صحتمند رکڻ ۾ مدد ڪندو آهي.

اسان جو جسم پاڻ ڪيلشيم پيدا ناهي ڪندو جنهن جي ڪري اسان کي کِير، ڦَريُن، سبزي جي پتن ۽ انجير جهڙي ذريعن تي ڀاڙڻو پوندو آهي.

You might also like

Leave A Reply

Your email address will not be published.