کنڀي جي استعمال جا صحت لاءِ وڏا فائدا

 

قديم مصر ۾ ماڻهو کنڀي جي ڦٽڻ کي ڪنهن جاودئي عمل جو نتيجو قرار ڏيندا هئا ڇو ته کنڀيون رات جي وقت ۾ ئي ڦُٽي پونديون آهن پر کنڀين جي خوراڪ هڪ ذائقيدار آهن ۽ ان ۾ غذائيت جون سڀ شيون موجود هونديون آهن.

کنڀيون گڏيل طور توهان جي صحت کي برقرار رکڻ ۾ اهم ڪردار ادا ڪنديون آهن، اهو به درست آهي ته هڪ سُٺي خوراڪ توهان جي جسم کي جوان بڻائي رکندي آهي ۽ کاڌي جي عادتن جي اڻڍنگي چونڊ تباهه ڪندڙ اثر پيدا ڪري سگهي ٿي.

کنڀي جا فائدا

کنڀي جو استعمال جي مرض، معدي جي تيزابيت، معذور ۽ ڪمزور ٻارن جي لاءِ تمام گهڻو فائديمند آهي.

کنڀي جسم جي مدافعتي نظام کي بهتر بڻائيندي آهي ۽ اينڊا ڪرائين غدود جي افعال کي درست رکندي آهي.

ان سان ڪوليسٽرول ليول ڪنٽرول ٿيندي آهي ۽ دل مان رت جي وهڪري کي بهتر بڻائيندي آهي.

نه رڳو ايترو پر کنڀي جي استعمال سان کنگهه، دم ۽ ٽي بي جهڙي مرضن ۾ وڏو حد تائين بهتري ايندي آهي.

ان جو استعمال ڪينسر جي سيلن کي روڪيندو آهي مرڪزي اعصابي نظام تي بهتر اثر ڪندو آهي ۽ رت ۾ آڪسيجن جي مقدار کي جذب ڪندو آهي.

کنڀي وٽامن ڊي جي بهترين غذائي ذريعن مان هڪ آهي جڏهن ته ذيابطيس جي مريضن لاءِ به ان جو استعمال تمام فائديمند ثابت ٿيندو آهي.

کنڀيون اسان جي چمڙي کي هائيڊريٽ ڪنديون آهن ۽ اسان کي چمڙي جي داغن کان به بچائينديون آهن ڇو ته انهن ۾ اينٽي ايجنگ جو خاصيتون موجود هونديون آهن.

کنڀين کي قدرتي موئسچرائيزر طور به سڃاتو ويندو آهي ۽ چهري تي لڳندڙ ڪيترن ئي شين ۾ ان جو استعمال ٿيندو آهي.

ان سان گڏ جيڪڏهن توهان وزن گهٽائڻ واري خوراڪ جي ڳولا ۾ آهيو ته ان جي لاءِ کنڀي سڀ کان بهترين چونڊ آهي ڇو ته کنڀي ۾ ڪيلوريز تمام گهٽ پر فائبر ۽ پروٽين تمام گهڻا هوندا آهن.

کنڀي اسان جي جسم کي معدنيات جهڙوڪ ڪاپر، پوٽاشيم ۽ سيلينيم به فراهم ڪندي آهي.

ماهرن کنڀي جي چئن قسمن کي مختلف طريقن سان پچائڻ کانپوءِ جائزو ورتو ته ڪهڙي طريقي سان پچائڻ وارين کنڀين جا وٽامنز وڌيڪ فائديمند آهن جڏهن ته مائڪرو ويو ۾ کنڀين کي پچائڻ سان انهن جا وٽامنز ضايع نٿا ٿين ۽ ٻين طريقن سان پچائڻ سان ان جا اهي وٽامنز گهٽ ٿي ويندا آهن جيڪي انسان ۾ بيماريون پيدا ٿيڻ کان روڪيندا آهن.

تحقيق مان خبر پئي آهي ته کنڀي کي اٻارڻ يا ترڻ ان ۾ شامل وٽامنز ضايع ٿي ويندا آهن جيڪي انساني صحت جي لاءِ فائديمند هوندا آهن.

توهان کنڀين کي مختلف طريقن سان پنهنجي خوراڪ ۾ شامل ڪري سگهو ٿا جهڙوڪ توهان کنڀي جو جوس، سوپ ۽ پاستا وغيرا ٺاهي ان ۾ کنڀي استعمال ڪري سگهو ٿا.

You might also like

Leave A Reply

Your email address will not be published.