برطانوي شهزادي جو وزير اعظم سان رابطو، ڪورونا سبب فوتگين تي افسوس جو اظهار

اسلام آباد(ويب ڊيسڪ) وزير اعظم عمران خان کي برطانوي شهزادي چارلس ٽيلي فون ڪئي ۽ پاڪ برطانيا لاڳاپن تي ڳالهين سميت پاڪستان ۾ ڪورونا سبب فوتگين تي افسوس جو اظهار ڪيو.

پڌرائي موجب وزير اعظم عمران خان ۽ پرنس آف ويلز شهزادي چارلس ڳالهين دوران پاڪ برطانيا ويجهي ۽ منفرد لاڳاپن جي عزم جو اظهار ڪيو ۽ ٻنهي اڳواڻن پاڪ برطانيا بهترين عالمي دوستي به ڳالهيون ڪيون.

شهزادي چارلس پاڪستان ۾ ڪورونا سبب ٿيل فوتگين تي افسوس جو اظهار به ڪيو.

پڌرائي ۾ چيو ويو آهي ته برطانيا ڪورونا وبا جي دوران پاڪستان کي ضروري امداد فراهم ڪري رهيا آهيون، ٻنهي اڳواڻن عالمي چينلجن کي منهن ڏيڻ ۾ وڌيڪ عالمي سهڪار جي ضرورت تي اتفاق ڪيو ۽ خاص ڪري موسمياتي تبديلي ۽ ماحول جي تحفظ لاءِ عالمي سهڪار تي زور ڏنو.

You might also like

Leave A Reply

Your email address will not be published.