ڪورونا وائرس جي روڪٿام لاءِ گولي جو آرڊر

 

سيئول (ويب ڊيسڪ) اتر ڪوريا جي حڪومت ملڪ ۾ ڪورونا وائرس جي روڪٿام لاءِ گولي هڻڻ جو حڪم ڏئي ڇڏيو.

پرڏيهي ميڊيا موجب ڏکڻ ڪوريا ۾ آمريڪي فورسز جي ڪمانڊر دعويٰ ڪئي آهي ته اتر ڪوريا جي اختيارين ملڪ ۾ چين کان ڪورونا وائرس پکڙجڻ کان روڪڻ لاءِ گولي هڻڻ جو حڪم ڏنو آهي.

ميڊيا رپورٽن موجب چين مان پکڙجندڙ ڪورونا وائرس جتي سڄي دنيا کي پنهنجي وڪڙ ۾ آڻي ڇڏيو آهي، اتي ئي اتر ڪوريا ۾ عالمي وبا جو هڪ به ڪيس رپورٽ ناهي ٿيو پر اختياريون ملڪ ۾ پٺ تي پيل صحت جي نظام سبب فوجي طاقت ذريعي وائرس روڪڻ جون ڪوششون ڪري رهيون آهن.

ميڊيا رپورٽن ۾ ٻڌايو ويو آهي ته اتر ڪوريا وائرس جي روڪٿام لاءِ جنوري ۾ ئي چين کان گڏجندڙ سرحد کي بند ڪري ڇڏيو هو، جڏهن ته جولاءِ ۾ سڄي ملڪ ۾ وڏي پئماني تي ايمرجنسي به لاڳو ڪئي وئي هئي.

هڪ آن لائن ڪانفرنس ۾ ڳالهائيندي ڏکڻ ڪوريا ۾ آمريڪي فورسز جي ڪمانڊر رابرٽ ابرامس جو چوڻ هو ته بارڊر جي بندش شين جي سمگلنگ ۾ واڌ ڪئي هئي، اتر ڪوريا چين سان گڏجندڙ سرحد تي هڪ کان ٻه ڪلو ميٽر جي علائقي ۾ بفرزون قائم ڪيو آهي، اتر ڪوريا ان علائقي ۾ اسپيشل آپريشنز فورسز کي مقرر ڪيو آهي ۽ فورسز کي گولي هڻڻ جو حڪم ڏنو ويو آهي.

You might also like

Leave A Reply

Your email address will not be published.