پي ٽي اي جي نوٽيس تي ٽڪ ٽاڪ جو موقف سامهون اچي ويو

اسلام آباد (ويب ڊيسڪ) پاڪستان ٽيلي ڪميونيڪيشن اٿارٽي (پي ٽي اي) طرفان ٽڪ ٽاڪ کي نوٽيس ڏيڻ جي معاملي تي ٽڪ ٽاڪ جو موقف سامهون اچي ويو.

پنهنجي موقف ۾ ٽڪ ٽاڪ ترجمان چيو ته اسان جي پهرين ترجيح قانون جي پاسداري سان گڏوگڏ محفوظ ماحول پيدا ڪرڻ آهي.

ترجمان موجب غير مناسب مواد جي سڃاڻپ ۽ نظرثاني لاءِ ٽيڪنالاجي ۽ حڪمت عملي استعمال ڪئي ويندي آهي، معاشرتي قدرن جي ڀڃڪڙي ڪندڙ اڪائونٽن تي پابندي لڳائي ويندي آهي، واهپيدارن کي ڪنٽرولز، تجزياتي سهولتون ۽ رازداري جا اختيار ڏنا ويندا آهن.

ٽڪ ٽاڪ ترجمان چيو آهي ته 98 سيڪڙو غير مناسب ويڊيوز کي وقت سر سڃاڻپ ۽ دانهن تي اڳ ئي هٽايو ويندو آهي، 2019 ۾ 37 لک کان وڌيڪ غير مناسب ويڊيوز کي روڪيو ويو.

هن چيو ته لاڳاپيل اختيارين سان ڳالهيون به وڌائي رهيا آهيون ته جيئن اهي پاليسين بابت آگاهه رهن.

واضح رهي ته پي ٽي اي سوشل ميڊيا ايپ ٽڪ ٽڪ کي غير اخلاقي مواد تي حتمي وارننگ ڏني هئي.

You might also like

Leave A Reply

Your email address will not be published.