لاهور(ويب ڊيسڪ) ريلوي واري وفاقي وزير شيخ رشيد جو چوڻ آهي ته جيڪو وزير اعظم عمران خان کي بي خبر سمجهي ٿو ان کان وڏو بي خبر ٻيو ڪير به ناهي.
لاهور ۾ پريس ڪانفرنس دوران ريلوي واري وفاقي وزير چيو ته سر سيد ايڪسپريس جو افتتاح ڪراچي يا اسلام آباد کان وزير اعظم ڪندو، ڪال سينٽر ۽ ڪنترول روم پرائيوٽ سيڪٽر کي ڏيڻ پيا وڃون، ايندڙ هفتي معاهدي تي صحيح ٿي ويندي. ريلوي مسافر ٽرينن مان 4 ارب رپين جو منافعو ڪمايو آهي.
شيخ رشيد چيو ته ملڪي ناڻي جو حالتون خراب آهن، منهنجو خيال آهي ته چوڌري نثار علي خان حلف نه کڻندو، وزير اعظم عمران خان پنجاب جي وڏي وزير پٺيان بيٺل آهي، جيڪو اِهو ٿو سمجهي ته عمران خان بي خبر آهي ان کان وڏو بي خبر ٻيو ڪير به ناهي.
شيخ رشيد چيو ته رڳو عمران خان جو ترجمان آهيان معيشت ۽ سياست تي 8 ترجمان ٻيا به آهن، آصف زرداري بلاول ڀٽو کي استعمال ڪيو آهي، آصف زرداري جي سياست جو دارومدار اُها ڪوڙي وصيت آهي جيڪا بينظير ڀٽو جي پرس مان نڪتي. شهباز شريف ۽ نواز شريف ٻن مختلف سياسي نظرين جو نالو آهي، چيف جسٽس کان درخواست آهي ته جن ماڻهن جي نالن تي ڪوڙا اڪائونٽ بڻيا اُهي جيل ۾ آهن ۽ جن استعمال ڪيا اُهي ضمانت تي آهن انهن جو نوٽيس وٺو. فالودي ۽ گول گپي وارن جي اڪائونٽن مان پيسا هٿ ٿيا.
