خيرپور ( س ر ) خيرپور پوليس ڪنب ٿاڻي جي حد ۾ 2 ڌار ڌار پوليس مقابلا، ٽن جوابدارن کي زخمي حالت ۾ گرفتار ڪرڻ جي دعويٰ ڪئي وئي آهي، ايس ايس پي مير روحل خان کوسو ۽ پوليس کي ڪنب ٿاڻي جي حد ۾ ڏوهارين جي موجودگي جو اطلاع مليو، ايس ايس پي جي هدايتن تي ڪنب پوليس ڌار ڌار مقابلن ۾ ٽن جوابدارن عابد گوپانگ، شڪيل راڄپر ۽ عجب ميرجت کي زخمي حالت ۾ گرفتار ڪيو ويو آھي، ايس ايڇ او ڪنب اسلم لغاري موجب زخمي حالت ۾ گرفتار ڪيل جوابدارن کي تعلقي اسپتال ڪوٽڏيجي منتقل ڪيو ويو آھي اسر ويل جو سوير ٻن ڌار ڌار مقابلن ۾ ٽن ڦورن کي گرفتار ڪيو ويو آھي گرفتار ڦورو مختلف وارداتن ۾ ملوث آھن.
