فلڪياتي ماهرن سج جي وجود کان 33 ارب ڀيرا وڏو ديوهيڪل بليڪ هول دريافت ڪري ورتو.
عالمي ميڊيا رپورٽن موجب برطانيا جي ڊرهم يونيورسٽي جي سائسندانن جو چوڻ آهي ته ديوهيڪل بليڪ هول هيل تائين جي سڀ کان وڏي دريافت آهي.
اها ريسرچ رائل ايسٽرانوميڪل سوسائٽي جي رسالي جرنل منٿلي نوٽسز ۾ ڇپي، جنهن ۾ سائنسدانن ان دريافت کي ”انتهائي دلچسپ“ قرار ڏنو.
I read this as having found a supermassive black hole in the UK, which would explain everything. https://t.co/4DYAGlwGAx
— Mark Follows (@ElectricLeisure) March 29, 2023
ڊرهم يونيورسٽي جي فزڪس شعبي جي مصنف ڊاڪٽر جيمز نائٽنگيل چيو ته اهو بليڪ هول اسان جي سج کان 30 ارب ڀيرا وڏو آهي ۽ اها هيل تائين جي سڀ کان وڏي دريافت آهي، ان لاءِ اها هڪ انتهائي دلچسپ آهي.
ان کان اڳ ير ايونٽ هورائزن ٽيلي اسڪوپ نامي عالمي سهڪار تنظيم 2022 ۾ ”سيجيٽيريئس اي“ نالي بليڪ هول جي تصوير جاري ڪئي هئي، اهو بليڪ هول اسان جي سج کان 40 لک ڀيرا وڏو آهي.
