لاهور (ويب ڊيسڪ) ن ليگ جي سينيئر نائب صدر مريم نواز چيو آهي ته جيڪڏهن ”ضمانت پارڪ“ ۾ رڳو هڪ عورت موجود آهي پر پوليس تي اندران گوليون ۽ پيٽرول بم ڪير هلائي رهيو آهي؟
ٽوئيٽر تي جاري ڪيل بيان ۾ مريم نواز چيو ته اهي ڪوڙ ڳالهائڻ کان اڳ سوچين به نٿا.
اگر ضمانت پارک میں صرف ایک خاتون موجود ہے تو پولیس پر اندر سے گولیاں اور پیٹرول بمب کون برسا رہا ہے؟ جھوٹ بولنے سے پہلے سوچتے نہیں؟
— Maryam Nawaz Sharif (@MaryamNSharif) March 18, 2023
مريم نواز سوشل ميڊيا تي هڪ وڊيو به شيئر ڪئي، جنهن ۾ عمران خان جي رهائشگاهه اندران هڪ پيٽرول بم اهلڪارن ڏانهن اڇلايو پيو وڃي.
ن ليگ اڳواڻ پنهنجي ٽوئيٽ ۾ لکيو ته چيو هو ته هڪ دهشتگرد جماعت آهي، جنهن جي سربراهه قانون ۽ سزا کان بچڻ لاءِ شرپسند ۽ تربيت يافته دهشتگرد پنهنجي گهر ۾ رکيا آهن.
کہا تھا نا کہ یہ ایک دہشت گرد جماعت ہے جس کے سرغنہ نے قانون اور سزا سے بچنے کے لیے شرپسند اور تربیت یافتہ دہشت گرد اپنے گھر میں رکھے ہوئے ہیں۔ یہ مناظر آج سے پہلے صرف دہشت گردی کے حوالے سے دیکھنے کو ملے۔ شرمناک! pic.twitter.com/S2uKSS4bEf
— Maryam Nawaz Sharif (@MaryamNSharif) March 18, 2023
سندس چوڻ هو ته اهڙا منظر اڄ کان اڳ رڳو دهشتگردي جي حوالي سان ڏسڻ لاءِ مليا، شرمناڪ!
هن چيو ته هاڻ خبر پئي جڏهن ان ”دهشتگرد“ کي زبردستي سياست ۾ آندو ويو، تڏهن کان ملڪ فتني ۽ ڏڦيڙ جو شڪار ڇو آهي؟ آڻيندڙ به پنهنجي بدترين انجام تي پهتا، هن جي سياست به پنهنجي انجام ڏانهن وڌي رهي آهي.
مريم نواز چيو ته پاڪستان ۾ سياسي اڳواڻن ۽ سياسي جماعتن سدائين هٿين خالي جدوجهد ڪئي، قربانيون ڏنيون، پي ٽي آءِ کي سياسي جماعت چوڻ يا عمران خان کي سياسي ليڊر چوڻ ڪيترن ئي ڏهاڪن کان ڪيل سياسي ڪارڪنن جي جدوجهد جي تذليل هوندي.
