پشاور ( ويب ڊيسڪ ) پشاور پوليس لائنز ڌماڪي ڪيس ۾ جاچ دوران اهم اڳڀرائي سامهون آئي آهي.
جاچ ٽيم موجب آپگهاتي بمبار ڌماڪي لاءِ اڪيلو نه آيو پر کيس هدف تائين سهولتڪار پهچايو ۽ اُهو رنگ روڊ تائين بمبار سان گڏ ئي موٽرسائيڪل تي سوار هو.
جاچ ٽيم جو چوڻ آهي ته سهولتڪار موٽرسائيڪل هلائي رنگ روڊ تائين آيو جڏهن آپگهاتي بمبار پويان ويٺو هو، بعد ۾ هو رنگ روڊ تي لهي ويو هو.
جاچ ٽيم سهولتڪار جا فوٽيجز به حاصل ڪري ورتا آهن جنهن کانپوءِ سندس ڳولا لاءِ ڇاپا مار ڪارروائيون ڪيون پيون وڃن.
