حيدرآباد(رپورٽر) حيدرآباد ۾ نوجوان شاگردن جا پرسرار نموني لاش ملڻ وارو سلسلو رڪجي نه سگهيو آهي، وڌيڪ هڪ نوجوان شاگرد جو فليٽ مان پرسرار نموني لاش هٿ آهي. ننگرپارڪر واسي نوجوان دسرت ڪولهي جو قاسم آباد واري علائقي مان ڇت جي پکي ۾ لٽڪيل لاش ھٿ آيو آهي، ننگرپارڪر جي ڳوٺ ڪوئاڙا واسي 21 ورهين جي نوجوان دسرت پٽ مورو ڪولهي جو قاسم آباد ٿاڻي جي حد قاسم آباد فيز ون واري علائقي مان فليٽ اندر پرسرار نموني لاش ھٿ آيو، اھڙو اطلاع هن سان گڏ رھندڙ ننڍي ڀاءُ پاران وارثن کي ڏنو ويو، جيڪي اطلاع ملندي ئي حيدرآباد طرف روانا ٿي ويا، نوجوان سنڌ يونيورسٽي جي بزنس ايڊمنسٽريشن شعبي جي ٻي سال جو شاگرد ھيو. اطلاع ملڻ تي پوليس پهچي لاش کڻائي سول اسپتال پهچايو، جڏهن ته فليٽ جو معائنو پڻ ڪيو ويو، آخري اطلاعن تائين نوجوان شاگرد جو لاش پوسٽ مارٽم لاءِ اسپتال ۾ رکيل هو. ياد رهي ته ان کان ۾ قومپرست عورت اڳواڻ مرڪ جان پيرزادو ۽ قانون جي هڪ شاگرد جو پڻ پرسرار نموني لاش هٿ آيو هو.
