اسلام آباد(بيورو رپورٽ/م ڊ) ملڪ ۾ چوماسي برساتن جو پهريون سلسلو شروع ٿيندي ئي درياهن ۾ جي وهڪرن ۾ واڌ ۽ ڊيمن ۾ پاڻيءَ جي سطح بلند ٿي وئي آهي. چشما بيراج جا سڀ 52 اسپل ويز کوليا ويا آهن، جڏهن ته تربيلا ڊيم جا به اسپل وي کولڻ جو فيصلو ڪيو ويو آهي. چشما-جهلم لنڪ ڪينال ۽ رائيٽ بئنڪ ڪينالن ۾ به پاڻي ڇڏڻ شروع ڪيو ويو آهي. ڊيرا اسماعيل خان ۾ سڀ ڍنڍون ڀرجي ويون آهن، جڏهن ته ڪچي جا علائقا به پاڻي هيٺ اچي ويا آهن. سنڌو درياءُ جي سڀني هنڌن تي ترڻ ۽ ٻيڙيون هلائڻ تي مڪمل پابندي لاڳو ڪئي وئي آهي، ۽ ضابطي 144 (دفعه 144) نافذ ڪندي ماڻهن کي خطري وارن علائقن کان پري رهڻ جي هدايت ڏني وئي آهي۔راولپنڊي ۾ شهري ٻوڏ (اربن فلڊنگ) جي امڪان کي نظر ۾ رکندي قلم 144 لاڳو ڪيو ويو آهي، نالا لئي ۽ ٻين پاڻي جي گذرگاهن ۾ وهنجڻ ۽ ترڻ تي به پابندي مڙهي وئي آهي۔
