غزا(م ڊ)غزا جي سڀ کان وڏي الشفا اسپتال جي احاطي ۾ 179 شهيد فلسطينين کي اجتماعي قبر ۾ دفن ڪيو ويو.رپورٽ ۾ چيو ويو آهي ته اسپتال جي احاطي ۾ دفن ٿيلن ۾ 7 ٻارڙا شامل آهن جيڪي آءِ سي يو ۾ فوت ٿيا ۽ 29 مريض به شامل آهن،غزا جي پٽي تي اسرائيلي فوج جي وحشياڻي بمباري جو سلسلو جاري آهي. 7 آڪٽوبر کان وٺي هن جنگي بمباري ۾ شهيد ٿيندڙ فلسطينين جو انگ 11 هزار 500 تائين پهچي ويو آهي.خابرو اداري موجب آمريڪا ۽ برطانيا حماس سان لاڳاپيل ماڻهن ۽ گروپن تي وڌيڪ پابنديون لاڳو ڪري ڇڏيون آهن، جڏهن ته غزا ۾ برسات بي گهر فلسطينين لاءِ زحمت بڻجي وئي، هڪ اندروني يو ايس اسٽيٽ ڊپارٽمينٽ ميمو ظاهر ڪري ٿو ته صدر بائيڊن غلط معلومات پکيڙي رهيو آهي.ميمو ۾ وڌيڪ چيو ويو آهي ته اسرائيل غزا ۾ جنگي ڏوهه ڪري رهيو آهي،هوڏانهن ورلڊ هيلٿ آرگنائيزيشن (ڊبليو ايڇ او) چيو آهي ته غزه جي 36 اسپتالن مان 22 غير فعال آهن، جڏهن ته غزه جي ڏکڻ ۾ خان يونس تي اسرائيلي هوائي حملن ۾ ٻارن سميت 10 ڄڻا شهيد ٿي ويا هوڏانهن اسرائيلي فوج اولهندي ڪناري جي اتر شهر طولڪرم جي ڀرپاسي ۾ 5 فلسطيني نوجوانن کي شهيد ڪري ڇڏيو ٻئي طرف اسرائيلي فوج غزه پٽي ۾ جباليه ڪئمپ ۾ شيلنگ دوران 31 فلسطينن کي شهيد ڪري ڇڏيو. هوڏانهن گڏيل قومن خبردار ڪيو آهي، ته اسرائيل طرفان غزه ۾ اچ وڃ جا رستا بند ٿيڻ سبب انساني صورتحال وڌيڪ سنگين ٿيندي پئي وڃي، ڇاڪاڻ ته ٻارڻ جي گهٽتائي سبب امدادي سامان کڻي ويندڙ ٽرڪن جي اچ وڃ بند ٿي سگهي ٿي،
