ڏھرڪي/رهڙڪي(نمائندا)ڏھرڪي لڳ رھڙڪي مان ڇھن ھٿياربند ھٿان اغوا ڪيل واپاري رنجيت ڪمار کي اغوا جي واردات جي ٽن ڪلاڪن پوليس مقابلي ۾ بازياب ڪرڻ جي دعويٰ ڪئي وئي آھي جڏھن پوليس پوليس مقابلي ۾ ھڪ ڏوھاري کي زخمي حالت ۾ گرفتار ڪري ڏھرڪي اسپتال داخل ڪيو ويو آھي. ان ڏس ۾ ايس ايس پي گھوٽڪي منير احمد کھڙو جو چوڻ آھي ته رنجيت ڪمار جي اغوا بعد ڏھرڪي، رھڙڪي ۽ رونتي پوليس علائقي ۾ ناڪا بندي ڪئي. جنھن دوران اغوا ڪارن سان وستي پل لڳ پوليس جو مقابلو ٿيو جنھن ۾ ھڪ ڏوھاري زخمي حالت ۾ گرفتار ٿيو آھي. جڏھن ته مغوي رنجيت ڪمار کي بازياب ڪرايو ويو آھي. جنھن کي پوليس جي حفاظت ۾ واپس آندو پيو وڃي. ھوڏانھن ھڪ اغوا ڪار کي زخمي حالت ۾ ڏھرلي اسپتال آڻڻ جي اطلاع تي رينجرز ڏھرڪي اسپتال پھچي وئي. ٻئي طرف مغوي جي بازيابي جي خبر سندس گھر ڀاتين کي ڏني وئي آھي جنھن ته گھر ۾ خوشيون موٽي آيون آھن.
