ڪراچي (رپورٽر) پيپلزپارٽي چيئرمين بلاول ڀٽو زرداري مير مرتضيٰ ڀٽو کي ان جي 69 هين سالگرهه تي خراج عقيدت پيش ڪيو آهي، بلاول ڀٽو زرداري پنهنجي بيان ۾ چيو آهي ته شهيد مير مرتضيٰ ڀٽو هڪ بهادر ۽ بي باڪ شخصيت جو مالڪ هو، هن چيو ته شهيد مير مرتضيٰ ڀٽو جي ملنسار ۽ منفرد عوامي انداز کي ماڻهو اڄ به ياد ڪندا آهن، قائد عوام شهيد ذوالفقار علي ڀٽو ۽ شهيد محترمه بينظيرڀٽو وانگر شهيد مير مرتضيٰ ڀٽو به اسان جي دلين ۾ هميشه زندهه رهندو، شهيد مير مرتضيٰ ڀٽو جو جمهوريت ۾ يقين ۽ پنهنجي نظريي ۽ اصولن تي ڪاربند رهڻ اسان جي لاءِ مشعل راهه آهي.
