اسلام آباد(عوامي آواز نيوز)پاور ڊويزن نيپرا کان “پروزيومر ريگوليشنز 2026” جي ڪجهه پهلوئن تي فوري نظرثاني جو مطالبو ڪيو آهي۔پاور ڊويزن پاران جاري ڪيل اعلاميي ۾ چيو ويو آهي ته اڳ به هن فيصلي جي نقصانڪار اثرن بابت نيپرا کي آگاهه ڪيو ويو هو، ۽ ان کي پراڻن ضابطن موجب رکڻ جي درخواست ڪئي وئي هئي، ڇو ته انهن تبديلين سان ننڍي پيماني تي استعمال ڪندڙن ۾ قابلِ تجديد توانائي جي رفتار سست ٿي سگهي ٿي۔اعلاميي موجب 2015ع جي ضابطن تحت 25 ڪلوواٽ يا ان کان گهٽ لاءِ نيپرا کان لائسنس جي ضرورت نه هئي، ۽ هن درجي جون درخواستون ورهاست ڪندڙ ڪمپنين وسيلي بغير فيس جي عمل ۾ آنديون وينديون هيون۔هي به پڙهووزيراعظم طرفان سولر پينلن جي درآمد جي آڙ ۾ 120 ارب رپين جي مني لانڊرنگ ۾ ملوث ماڻهن خلاف فوري ڪارروائي جي هدايتقومي گرڊ سان نه ڳنڍيل سولر استعمال ڪندڙن لاءِ لائسنس جي ضرورت ناهي: نيپراتوانائي واري وزارت سڀني سولر نظام لڳائيندڙ استعمال ڪندڙن لاءِ نيپرا لائسنس لازمي قرار ڏئي ڇڏيوپاور ڊويزن جي اعلاميي ۾ وڌيڪ چيو ويو آهي ته “پروزيومر ريگوليشنز” تحت ننڍن فيس پلانٽن لاءِ به منظوري جو اختيار نيپرا کي ڏنو ويو آهي، ۽ نون ضابطن تحت ننڍن پلانٽن تي درخواست فيس به لاڳو ڪئي وئي آهي، جنهن تي نجي بجلي ۽ ڍانچو بورڊ به ڳڻتي ظاهر ڪئي هئي۔اعلاميي موجب پي پي آءِ بي مطالبو ڪيو هو ته 25 ڪلوواٽ يا ان کان گهٽ نظامن لاءِ پراڻو منظوري وارو طريقو برقرار رکيو وڃي، ڇو ته موجوده طريقيڪار قومي سطح تي قابلِ تجديد توانائي کي وڌائڻ جي ڪوششن ۾ رڪاوٽ بڻجي سگهي ٿو۔
