اسلام آباد(بيورو رپورٽ) وفاقي قانون واري وزير اعظم نذير تارڙ چيو آهي ته جيڪڏهن خيبر پختونخواهه ۾ ايمرجنسي جو اعلان ڪيو وڃي ٿو ته ان کي لاڳو ڪرڻ گهرجي ۽ ڪيو ويندو، جيڪڏهن آئين ۾ درج ڪيل گهرجن کي پورو ڪيو وڃي ته پوءِ اهو ئي ٿيندو. وفاقي قانون واري وزير اعظم نذير تارڙ ميڊيا سان ڳالهه ٻولهه ۾ چيو آهي ته آئين ايمرجنسي جي لاڳو ڪرڻ بابت بلڪل واضح آهي. صحافي پڇيو ته ڇا خيبر پختونخواهه ۾ گورنر جي ڪردار لاءِ ڪو طريقيڪار غور هيٺ آهي ۽ جيڪڏهن ائين آهي ته اهو ڇا هوندو؟ اعظم نذير تارڙ صحافي جي سوال جو جواب ڏيندي چيو ته صورتحال اهڙي آهي جو آئين ان جو مطالبو ڪري ٿو. جيڪڏهن خيبر پختونخواهه ۾ ايمرجنسي جو اعلان ڪيو وڃي ته ان کي لاڳو ڪيو وڃي ۽ اهو لاڳو ڪيو ويندو. جيڪڏهن آئين ۾ درج ڪيل گهرجون پوريون ڪيون وڃن ته پوءِ اهو سڀ ڪجهه ٿيندو.هن چيو ته اسان جو آئين تمام واضح آهي. پوءِ مان چوندس ته جڏهن آئين ۾ موجود ميڪانيزم ان جو مطالبو ڪندو ته اهي سڀ شيون ٿينديون. اعظم نذير تارڙ چيو ته خيبرپختونخواهه ۾ گورنر راڄ لاڳو ٿي سگهي ٿو يا آئين جي گهرجن موجب ايمرجنسي لاڳو ٿي سگهي ٿي، جڏهن ته ضرورت پئي ته آئيني طريقا اختيار ڪيا ويندا.
