عالمي شهرت يافته آمريڪي ڳائڻي ٽيلر سوئفٽ 2026ع جي ايم ٽي وي ميوزڪ ايوارڊز ۾ نئين تاريخ رقم ڪندي سڀ کان وڌيڪ ايوارڊ حاصل ڪندڙ فنڪارا بڻجي وئي.
ٽيلر سوئفٽ تقريب کان اڳ 30 ايوارڊز سان بيونسي جي برابر هئي، پر پهريون ڀيرو ڏنل ’ايم ٽي وي وي ايم اي آرٽسٽ ڊائريڪٽر آنرز‘ ايوارڊ حاصل ڪندي هن نئون رڪارڊ قائم ڪري ڇڏيو.
ان کان پوءِ ٽيلر سوئفٽ ’فيٽ آف اوفيليا‘ لاءِ ’وڊيو آف دي ايئر‘ ۽ ’بيسٽ ڊائريڪشن‘ جا ايوارڊ پڻ حاصل ڪيا، جنهن کان پوءِ سندس گڏيل وي ايم اي ايوارڊز جو انگ 33 ٿي ويو.
تقريب دوران ٽيلر سوئفٽ پنهنجي نئين گاني ’پيشينٽ زيرو‘ جي موسيقي وڊيو پڻ پيش ڪئي، جنهن جي هدايتڪاري هن پاڻ ڪئي، جڏهن ته وڊيو ۾ ڪولن فريل ۽ ڊڪوٽا جانسن اداڪاري ڪئي آهي.
