سنڌي صحافت کي پنهنجي زندگي ارپيندڙ سينيئر ساٿي ، مانواري ڀاءُ ۽ ھڪ مخلص صحافي حميد سنڌو به سنڌ کان ھميشـ لاءِ موڪلائي ويو آھي ـ ھو ھڪ مڪمل پيشور ۽ خود دار صحافي ھو جنهن جي زندگي ميڊيا جي آفيسن ۽ گھر جي وچ ۾ گذري وئي ـ ان کان سواءِ سندس ٻي ڪا به "دنيا "نه ھئي ـ زندگي جي لاھن چاڙھن ۽ گردشن جي باوجود ھن نه مايوسين ۽ محرومين کي ڳلي لاتو ۽ نه ئي وري دوستن ۽ پراڻن ساٿين کي ڪڏهن وساريو ـ وقت ڪھڙو به آيو پر ھميشـه رابطي ۾ رھيو ـ
تازو 21 جون 2025 تي ھن فون تي تفصيلي ڪچھري ڪئي ۽ زماني جا خوب حال احوال ڪيا ـ خبر نه ھئي تـ ھي ڪچھري آخري ثابت ٿيندي ۽ سندس زندگي جي شام اچي ويندي ـ افسوس ٿيو پروگرام موجب روبرو ملاقات نه ٿي سگھي ـ اڄ خبر پئي تـ ھو دنيا مان اوچتو موڪلائي ويو ـ سنڌي ميڊيا ۾ سندس محنتن ، قربانين ۽ تڪليفن کي ھميشـ ياد رکيو ويندو ـ
ھن قحط الرجال ۽ نفسا نفسي جي دور ۾ ھڪ ھڏ ڏوکي ۽ سنڌ دوست صحافي لاءِ ان کان وڌيڪ ٻئي ڪھڙي مھانتا ٿي سگھي ٿي ـ بس ھاڻي حميد جي مئي پڄاڻان شاھ سائين جي لفظن ۾ اھو ئي چونداسين تـ ” سکر سي ئي ڏينهن جي گھاريا مون بند ۾ ”
بس خوب ٿيو ، قصو تمام ٿيو ـ اڄ ھو زندگي ۾ ناھي رھيو ـ ڊيسڪ ويران آھي ـ وڌيڪ بس ٻـ لڙڪ ئي لاڙي سگجھن ٿا ـ سندس ڪل ڪائنات پنهنجو پٽ حسنين ئي ھو جنهن سان ھن جون بيپناھ محبتون ھيون ـ ھو حسيني ھو ۽ حيدري ھو ـ ھن حسنين جي ارپنا به انھن جي نالي سان ئي ڪئي ـ حميد جي المناڪ وڇوڙي تي دلي صدمي جو اظھار ڪندي حسنين لاءِ دعاڳو آھيان ـ ھميشـه پنجتن پاڪ جي ڇانو ۾ ھوندو ـ ـ ـ !
(سوشل ميڊيا پوسٽ)
سنڌي صحافت کي پنهنجي زندگي ارپيندڙ سينيئر ساٿي ، مانواري ڀاءُ ۽ ھڪ مخلص صحافي حميد سنڌو به سنڌ کان ھميشـ لاءِ موڪلائي ويو آھي ـ ھو ھڪ مڪمل پيشور ۽ خود دار صحافي ھو جنهن جي زندگي ميڊيا جي آفيسن ۽ گھر جي وچ ۾ گذري وئي ـ ان کان سواءِ سندس ٻي ڪا به "دنيا "نه ھئي ـ زندگي جي لاھن چاڙھن ۽ گردشن جي باوجود ھن نه مايوسين ۽ محرومين کي ڳلي لاتو ۽ نه ئي وري دوستن ۽ پراڻن ساٿين کي ڪڏهن وساريو ـ وقت ڪھڙو به آيو پر ھميشـه رابطي ۾ رھيو ـ
