حيدرآباد (رپورٽر) قاسم آباد جي مک بازار وٽان دڪان تي ويٺل نوجوان ڪيف سميجي کي کنڀڻ خلاف سندس پيءُ ۽ دڪاندارن احتجاج ڪيو. کنڀيل ڪيف سميجي جي پيءُ فاروق سميجو ۽ دڪاندار ايسوسيئيشن جي اڳواڻ محبوب ابڙو جي اڳواڻي ۾ دڪاندارن احتجاجي مظاهرو ڪيو ۽ پريس ڪانفرنس ڪندي الزام هنيو ته نوجوان ڪيف سميجي کي اي سيڪشن پوليس کنڀي کڻي وئي آهي پر ملڻ نٿو ڏنو وڃي. فاروق سميجي موجب هڪ شخص کان هن 9 لک رپيا ورتا هئا جنهن جي وياج طور هو 20 لک رپيا ڀري چڪو آهي. ڄاڻايل شخص سندس خلاف ڪورٽ ۾ درخواست داخل ڪئي جيڪا رد ٿي وئي ۽ هاڻي هو پوليس جي معرفت سندس پٽ کي کنڀرائي کيس حراسان ڪرڻ چاهي ٿو. هن مطالبو ڪيو ته سندس پٽ کي فوري طور آزاد ڪيو وڃي.
