اسلام آباد(م ڊ) نيشنل اليڪٽرڪ پاور ريگيوليٽري اٿارٽي (نيپرا) ڪراچي کانسواءِ باقي سڄي ملڪ لاءِ بجلي جي قيمت هڪ رپيو 28 پئسا في يونٽ سستي ڪري ڇڏي آهي، جنهن جو نوٽيفڪيشن به جاري ڪيو ويو آهي، بجلي جي قيمتن ۾ گهٽتائي سيپٽمبر 2024 جي مهيني جي ايڊجسٽمينٽ ۾ ڪئي وئي آهي، صارفين کي نومبر جي بلن ۾ گهٽتائي جو رليف ملندو، گهٽتائي جو اطلاق بجلي صارفين تي نه ٿيندو، ڪي اليڪٽرڪ صارف جون 2024 جي ماهوار ايڊجسٽمينٽ جي مد ۾ نومبر جي بلن ۾ 3 رپيا 17 پئسا في يونٽ، ڊسمبر ۾ 3 رپيا 3 پئسا في يونٽ ۽ جنوري 2025 ۾ 40 پيسا جي ماهوار ايڊجسٽمينٽ جي مد ۾ ادا ڪندا.
-
پي ٽي آءِ اڳواڻن جي حاضري کان ڇوٽ واري درخواست منظور
ڪراچي (رپورٽر)مقامي عدالت ۾تحريڪ انصاف جي اڳواڻن جي خلاف نيو ٽائون ٿاڻي تي هنگامي واري ڪيس جي ٻڌڻي ٿي، ڪيس ۾ نامزد جوابدار ڪراچي جي صدر راجا ظهير ،شاهنواز جدون ۽ شهزاد عدالت ۾ پيش ٿيا، اڳوڻو ايم اين اي فهيم خان جي وڪيل حاضري کان ڇوٽ واري درخواست داخل ڪئي، عدالت درخواست کي منظور ڪري ورتي، عدالت ڪيس جي شاهدن کي پيش ڪرڻ جا نوٽيس جاري ڪري ڇڏيا، ڪيس جي وڌيڪ ٻڌڻي 26نومبر تائين ملتوي ڪئي وئي آهي.
-
منصور علي شاهه کي آئيني بينچ جو سربراهه مقرر لاءِ اسان چيو هو: ڪامران مرتضي
اسلام آباد ( بيورو+م ڊ ) جميعت علماءِ اسلام (ف) جي سينيٽر ۽ سينيئر قانوندان ڪامران مرتضيٰ جو چوڻ آهي ته جڏهن سينيارٽي جي اصول کي نظر انداز ڪيو وڃي ته ان جو ڪو سبب هجڻ گهرجي، جيڪڏهن ڪو سبب نه هجي ته ان تي آڱريون کڄيون وڃن. هڪ خانگي چئنل سان ڳالهائيندي هن چيو ته جسٽس امين الدين خان آئيني بينچ جو سربراهه ناهي، هو سينيئر جج آهي، اسان اهو ئي اصطلاح شامل ڪيو هو، جيڪڏهن اصطلاح استعمال ڪرڻ شروع ڪيو وڃي ته پوءِ عدالت جي اندر عدالت ۽ رياست جي اندر رياست جو خيال اچي ٿو. هن چيو ته پهرين ڏينهن کان اسان جو خدشو هو ته سينيارٽي جي اصول کي نظرانداز نه ڪيو وڃي پر حڪومت جيڪو ڪجهه ڪري رهي آهي اهو درست ناهي. هن چيو ته جڏهن 26هين آئيني ترميم جو معاملو فائنل ٿي رهيو هو ته اسان کي هڪ کان وڌيڪ ڀيرا يقين ڏياريو ويو ته چيف جسٽس جي معاملي سميت سينيارٽي جو اصول به مدنظر رکيو ويندو. هن چيو ته اسان کي يقين هو ته منصور علي شاهه سينيئر جج آهي ۽ کيس ئي بڻايو ويندو.
