باڊھه (رپورٽ: نظام ڪولاچي)ڪجهه ڏينهن اڳ نصيرآباد مان کنڀي گم ڪيل ايس يو پي جي ڪارڪن ڊاڪٽر نويد ساگر ڪانڌڙو جي بازيابي لاءِ ايس يو پي باڊجھ پاران لالا غفور ساريو، نويد ڪانڌڙو مرتضيٰ گوپانگ جي اڳواڻي ۾ باڊھه پريس ڪلب کان حيدر چوڪ تائين ريلي ڪڍي احتجاجي مظاهرو ڪيو ويو، جنهن ۾ مختلف سياسي سماجي تنظيمن جي اڳواڻن فدا تنيو,محمد علي خشڪ,اصغر نوناري,رياض پنهور سميت پارٽي ڪارڪنن وڏي انگ ۾ شرڪت ڪئي,ان موقعي تي اڳواڻن ميڊيا سان ڳالهائيندي چيو ته سنڌ ۽ سنڌي ماڻھن جي حقن جي ڳالهه ڪرڻ جي ڏوھ ۾ قومي ڪارڪنن کي کنڀي گم ڪيو پيو وڃي جيڪو عمل انساني حقن جي خلاف ورزي آهي.هنن چيو ته ڊاڪٽر نويد ساگر هڪ پڙھيل لکيل سماجي ۽ قومي ڪارڪن آهي,جنهن کي بيگناھ کنڀي گم ڪيو ويو آهي.هنن مطالبو ڪيو ته نويد ساگر سميت کنڀي گم ڪيل سڀني ڪارڪنن کي فورن آزاد ڪيو وڃي ٻي صورت احتجاج جو دائرو وسيع ڪيو ويندو.
