ڪراچي (رپورٽر)سنڌ هاءِ ڪورٽ ۾ 26هين آئيني ترميم کي چئلينج ڪندي ڪالعدم قرار ڏيڻ جي استدعا ڪئي وئي آهي، درخواست ۾ چيو آهي ته پارليامينٽ کي عدالتي معاملن تي تجويزون ڏيڻ جو اختيار ناهي، ترميم منظور ڪري عدليه جي آزادي ۽ قانون جي حڪمراني جي ڀڃڪڙي ڪئي وئي آهي، درخواست ۾ استدعا ڪئي وئي ته آئيني ترميم جي شق 8، 11 ۽ 14 کي ڪالعدم قرار ڏنو وڃي.
-
ٽرمپ ڪملا کي پوئتي ڌڪي ڇڏيو، ڪاميابي جا امڪان
واشنگٽن(م ڊ) آمريڪي صدارتي چونڊن لاءِ ووٽنگ جو عمل جاري آهي، ٻئي طرف آمريڪي صدارتي چونڊن ۾ ڊونلڊ ٽرمپ جي ڪاميابي جا امڪان وڌي ويا آهن، برطانوي ميگزين ”دي اڪانومسٽ“ موجب ٻن مهينن ۾ پهريون ڀيرو ريپبلڪن صدارتي اميدوار جي حمايت وڌي وئي آهي.پولز موجب آگسٽ تائين ڊيموڪريٽڪ اميدوار ڪملا هيرس کي غير جانبدار ۽ ٿرڊ پارٽي ووٽرن سبب برتري حاصل هئي ۽ هاڻي ريپبلڪن وارا ووٽر ٽرمپ جي پويان بيهي رهيا آهن، جنهن سان ٽرمپ جي فتح جا امڪان 8 سيڪڙو تائين وڌي ويا آهن، نون رياستن ٽيڪساس، فلوريڊا، سائوٿ ڪيرولينا، الاسڪا، آرڪنساس، ڪولوراڊو، ڪنيڪٽيڪٽ، آئيڊاهو ۽ اتر ڊڪوٽا ۾ وقت کان ووٽنگ ٿي آهي.
