اسلام آباد (م ڊ) وزيراعظم شهباز شريف ايس آءِ ايف سي جي ايپڪس ڪميٽي جو اجلاس طلب ڪري ورتو،اسپيشل انويسٽمينٽ فيسليٽيشن ڪائونسل (SIFC) جي ايپڪس ڪميٽي جو اجلاس اڄ 1 وڳي وزيراعظم هائوس اسلام آباد ۾ ٿيندو.اجلاس ۾ آرمي چيف جنرل عاصم منير، وفاقي وزير، چئني وڏن وزيرن سميت سمورا آءِ جيز به شرڪت ڪندا.ذريعن موجب اجلاس ۾ پرڏيهي سيڙپڪاري کي هٿي وٺرائڻ بابت اهم فيصلا متوقع آهن.اجلاس ۾ چيني مزدورن جي سيڪيورٽي بابت تفصيلي بريفنگ ڏني ويندي.ذريعن جو وڌيڪ چوڻ آهي ته سعودي عرب ۽ چين جي سيڙپڪارن سان ميٽنگن بابت ايس آءِ ايف سي کي آگاهي ڏني ويندي.
