اسلام آباد(م ڊ) نگران گهرو وزير سرفراز بگٽي چيو آهي ته عليحدگي پسندن جي پروپيگنڊا جو پنجاب ۽ اسان جي اسيمبلي ۾ تمام گهڻو اثر آهي، اسان جي ايوان ۾ عليحدگي پسندن جا جائز آواز آهن جيڪي پنهنجي ڳالهه جو اظهار ڪن ٿا،هڪ انٽرويو ۾افغان پناهگيرن جي حوالي سان هن چيو ته 4 لک کان وڌيڪ ماڻهو ملڪ مان واپس آيا آهن، رڳو افغاني اسان وٽ غير قانوني طور رهي رهيا هئا، اهي اسان جا ڀائر آهن ۽ اسان کين چئون ٿا ته جيڪڏهن هو اسان جي ملڪ ۾ رهندا ته اسان جو دروازو کڙڪايو. توهان کي ويزا ڏينداسين، پر اهو نٿو ٿي سگهي ته ڀت ٽپي اچي رهو۽ اسان توهان جي حيثيت مهمان جي ئي رکون، سڪيورٽي خدشن جي حوالي سان هڪ سوال جو جواب ڏيندي هن چيو ته گذريل 8 مهينن ۾ هن ملڪ ۾ دهشتگردي ۾ 78 سيڪڙو اضافو ٿيو آهي، جنهن ۾ بلوچ عليحدگي پسند ۽ ٽي ٽي پي سڀ کان وڏو چئلينج آهي،جبري گمشدگين تي هن چيو ته اهو هڪ ڳنڀير معاملو آهي، قومي ڪميشن 78 سيڪڙو ڪيس حل ڪيا آهن، پوري خطي ۾ سڀ کان گهٽ جبري گمشدگيون پاڪستان ۾ آهن نگران وفاقي گهرو وزير سرفراز بگٽي چيو آهي ته فيض آباد ڌرڻي ڪميشن جڏهن جنرل فيض کي فون ڪندو ته هو پاڻ پيش ٿيندو پر کيس سڏائڻ پاڪستان کي ڪيترو فائدو ٿيندو؟ ان تي سواليه نشان آهي.هن چيو ته پيپلز پارٽي کي ليول پلئنگ فيلڊ مليل آهي، ان ڪري ڪوئيٽا ۾ ايڏو وڏو جلسو ڪيو.
