تهران/واشنگٽن(ع آ نيوز) لبنان ۾ وڌندڙ اسرائيلي جارحيت جي جواب ۾ ايران آمريڪا سان پيغامن جي مٽاسٽا روڪي ڇڏي آهي. جڏهن ته ڊونلڊ ٽرمپ چيو آهي ته ايران هن معاملي بابت باضابطا آگاهه ناهي ڪيو. ايراني نيوز ايجنسي تسنيم چيو آهي ته لبنان ۾ وڌندڙ اسرائيلي حملن جي ڪري، ايراني ڳالهين ڪندڙ وفد آمريڪا سان پيغامن جي مٽاسٽا روڪي ڇڏي آهي. نيوز ايجنسي جي مطابق، ايران واضح ڪيو آهي ته لبنان ۽ غزه ۾ اسرائيلي آپريشن جي خاتمي بابت سندس مطالبن جي پورا ٿيڻ تائين ڪنهن به قسم جي ڪا به ڳالهه ٻولهه نه ٿيندي. رپورٽ ۾` وڌيڪ چيو ويو آهي ته مزاحمتي محاذ ۽ ايران پنهنجي حڪمت عملي جي حصي طور آبناءِ هرمز کي مڪمل طور تي بند ڪرڻ ۽ باب المندب سميت ٻين محاذن کي چالو ڪرڻ جو ايجنڊا مقرر ڪيو آهي.جاپاني وزيراعظم ايراني صدر مسعود پزشڪيان کي ٽيليفون ڪيو ۽ آبناءِ هرمز ذريعي جهازن جي آزاد ۽ محفوظ گذرڻ جي ضرورت تي زور ڏنو.جاپاني ميڊيا موجب، جاپاني وزيراعظم ميڊيا کي ٻڌايو ته هن ايراني صدر سان پنهنجي ڳالهين ذريعي صورتحال کي ڪنٽرول ڪرڻ تي پنهنجي موقف کي ورجايو ۽ اميد ظاهر ڪئي ته ايران جلد کان جلد هڪ معاهدي تي پهچڻ لاءِ هن موقعي جو پورو فائدو وٺندو ۽ وڌ کان وڌ لچڪ جو مظاهرو ڪندو رهندو. هوڏانهن پاسداران انقلاب ايراني ٻيٽن تي آمريڪي حملي جي جواب ۾ ميزائل حملي جي وڊيو جاري ڪئي. پاسداران انقلاب ايرو اسپيس فورس اعلان ڪيو ته هن علائقي ۾ بيس کي نشانو بڻايو آهي جتان هرمز جي سرڪ علائقي ۾ هڪ مواصلاتي ٽاور تي حملو ڪيو ويو هو.پاسداران انقلاب مطابق، آپريشن دوران سڀئي مقرر ڪيل هدف ڪاميابي سان تباهه ڪيا ويا. جاپاني وزيراعظم ايراني صدر مسعود پزشڪيان کي ٽيليفون ڪيو ۽ آبناءِ هرمز ذريعي جهازن جي آزاد ۽ محفوظ گذرڻ جي ضرورت تي زور ڏنو.جاپاني ميڊيا موجب، جاپاني وزيراعظم ميڊيا کي ٻڌايو ته هن ايراني صدر سان پنهنجي ڳالهين ۾ ڳالهين ذريعي صورتحال کي ڪنٽرول ڪرڻ تي پنهنجي موقف کي ورجايو ۽ اميد ظاهر ڪئي ته ايران جلد کان جلد هڪ معاهدي تي پهچڻ لاءِ هن موقعي جو پورو فائدو وٺندو ۽ وڌ کان وڌ لچڪ جو مظاهرو ڪندو رهندو. آمريڪي صدر ڊونلڊ ٽرمپ چيو آهي ته ايران اڃا تائين آمريڪا کي جنگ بندي جي پيغامن جي مٽا سٽا جي بندش بابت اطلاع نه ڏنو آهي. آمريڪي ميڊيا سان هڪ انٽرويو ۾، ٽرمپ چيو ته ايران جي جنگ بندي جي پيغامن جي تبادلي کي روڪڻ جي فيصلي سان ڪو مسئلو نه هوندو، ۽ اهي ان وقت جو انتظار ڪندا جڏهن ايران آمريڪا لاءِ قابل قبول شرطن تي ڊيل ڪرڻ لاءِ تيار هوندو. آمريڪي صدر اهو به چيو ته جيڪڏهن هرمز بند ڪيو وڃي ته کيس تيل جي قيمتن ۾ واڌ سان ڪو مسئلو نه هوندو. ٽرمپ چيو ته جيڪڏهن توهان سچ ٻڌڻ چاهيو ٿا ته پوءِ ٻڌو، مون کي لڳي ٿو ته اسان گهڻو ڳالهائيندا آهيون، مون کي لڳي ٿو ته خاموشي بهتر آهي. آمريڪي صدر وڌيڪ چيو ته ايران جي پيغامن جي معطلي جو مطلب اهو ناهي ته آمريڪا مڪمل پيماني تي فوجي آپريشن ٻيهر شروع ڪندو، ان جو مطلب اهو ناهي ته آمريڪا وڃي هڪ ڀيرو ٻيهر ايران تي بم ڪيرائڻ شروع ڪندو.ٽرمپ چيو ته اسان خاموش رهنداسين، اسان ايران جي بحري ناڪي بندي جاري رکنداسين، هي ناڪي بندي لوهي آهي.
