ڪراچي (رپورٽر) ڪراچي جي علائقي ملير الفلاح ۾ گهر مان ڌاڙو هنيو ويو، متاثر شهري دعويٰ ڪئي ته 2 عورتن ۽ هڪ مرد گهر ۾ داخل ٿي ڌاڙو هنيو. پوليس موجب، واقعي ۾ ڇري جي حملي سان عورت زخمي ٿي، متاثر شهرين چيو تهجوابدار زيور ڦري فرار ٿي ويا. عملدارن موجب، هڪ مرد ۽ ٻن عورتن جي موٽرسائيڪل تي اچڻ ۽ گهر ۾ داخل ٿيڻ جي سي سي ٽي وي وڊيو موجود آهي. پوليس عملدارن چيو ته گهر مان ڌاڙي جا ثبوت ناهن مليا، واقعو ڌاڙي جو آهي يا ذاتي دشمني جو، ان بابت جاچ ڪئي پئي وڃي.
