ڪراچي(رپورٽر) ايم ڪيو ايم پاڪستان جي اڳواڻ ۽ سنڌ اسيمبلي جي ڊپٽي پارلياماني ليڊر طلحه احمد چيو آهي ته سنڌحڪومت جي نااهلي جو نقصان عوام ڀوڳي رهيو آهي، زبون عمارتن جي متاثرين لاءِ متبادل رهائش جو انتظام ڪيو وڃي، ايم ڪيو ايم پاڪستان جي وفد پاران مزارِ قائد جو دورو ڪيو ويو، وفد ۾ شامل هئا ، ڊپٽي پارلياماني ليڊر طلحه احمد،معيد انور، فيصل رفيق، جمال احمد، فوزيه حميد، قرأت العين، ۽ انجنيئر عادل عسڪري محترمه فاطمه جناح جي قبر تي حاضري ڀري ۽ گل پيش ڪيا، ميڊيا سان ڳالهائيندي طلحه احمد چيو فاطمه جناح سان ٿيل زيادتين جي سخت مذمت ڪيون ٿا، غيرقانوني عمارتن جي اجازت ڏيندڙن جو احتساب ٿيڻ گهرجي، هن چيو ته 17 سالن کان سنڌ ۾ پيپلز پارٽي جي حڪومت آهي، پر جيڪڏهن ڪو ماڻهو پنهنجي گهر اڳيان هڪ پٿر به رکي ته ادارا اچي وڃن ٿا، پر ڪراچي ۾ غيرقانوني تعميرن خلاف سڀ کان وڌيڪ آواز ايم ڪيو ايم پاڪستان ئي بلند ڪيو آهي.
