ڪراچي(رپورٽر)ڪلفٽن ڪنٽونمينٽ بورڊ طرفان شهر ۾ موجود خطرناڪ ۽ زبون حال عمارتن جي سروي شروع ڪئي وئي آهي، لياري ۾ عمارت ڪرڻ واري واقعي کان پوءِ شهر ۾ زبون عمارتن جي سڃاڻپ جو عمل تيزي سان جاري آهي ۽ ان سلسلي ۾ ڪلفٽن ڪنٽونمينٽ بورڊ پهرين مرحلي ۾ 125 خطرناڪ عمارتن جي نشاندهي مڪمل ڪري ورتي آهي، سي بي سي جي رپورٽ موجب دهلي ڪالوني ۾ 51، مدني آباد ۾ 16، لور گزري ۾ 7، چوڌري خليق الزمان ڪالوني ۾ 5، پنجاب ڪالوني ۾ 14، پاڪ جمهوريه ڪالوني ۾ 27، بخشڻ ڳوٺ ۾ 5 عمارتون زبون قرار ڏنيون ويون آهن، سي بي سي جي اختيارين جو چوڻ آهي ته برساتي موسم دوران اهي عمارتون انساني جانن ۽ ملڪيت لاءِ وڏي خطري جو سبب بڻجي سگهن ٿيون، تنهن ڪري عمارتن جي مالڪن ۽ ڪرائيدارن کي هدايت ڏني وئي آهي ته اهي فوراً عمارتون خالي ڪن.
