حيدرآباد(رپورٽر)بجلي جا بل ادا نه ڪرڻ تي حيسڪو اختيارين ڪسٽم حيدرآباد آفيس جي بجلي ڪٽرائي ڇڏي، حيسڪو انتظاميا موجب ڪسٽم آفيس حيدرآباد مٿان 5 ڪروڙ کان وڌيڪ جي بجلي جي بلن جي مد ۾ بقايا ڄاڻائي آفيس جي بجلي ڪٽي ڇڏي آهي. جنهن ڪري آفيس اونداهي جي ورچڙهي وئي ۽ آفيس جو ڪم ڪار متاثر ٿي رهيو هو. ان سلسلي ۾ ايس ڊي او حيسڪو صابر حسين موجب ڪسٽم آفيس طرفان بلن جون ادائگيون نه ٿي رهيون هيون ۽ بل 5 ڪروڙ کان مٿي چڙهي ويو آهي. ڪسٽم آفيس حيدرآباد بلن جي ادائيگي نه ڪرڻ تي بجلي بند ڪئي وئي آهي، هاڻ بلن جي ادائگي ڪرڻ بعد ئي بجلي بحال ٿيندي.
