اسلام آباد(م ڊ) سپريم جڊيشل ڪائونسل ججن خلاف 35 مان 30 شڪايتون رد ڪري ڇڏيون، چيف جسٽس يحيٰ آفريدي جي صدارت هيٺ سپريم جوڊيشل ڪائونسل جو اجلاس ٿيو، جنهن ۾ جسٽس منصور علي شاهه، جسٽس منيب اختر، چيف جسٽس اسلام آباد هاءِ ڪورٽ جسٽس عامر فاروق، چيف جسٽس بلوچستان هاءِ ڪورٽ جسٽس هاشم ڪاڪڙ شرڪت ڪئي، جاري ڪيل بيان ۾ چيو ويو آهي ته اجلاس دوران آرٽيڪل 209، 8 تحت ججز جي ضابطه اخلاق ۾ ترميم ۽ سپريم جوڊيشل ڪائونسل پروسيجر آف انڪوائري 2005 ۾ ترميمن تي غور ويچار ڪيو ويو، جنهن بعد ضابطا اخلاق ۽ انڪوائري جي طريقيڪار ۾ ترميم جي سفارش لاءِ جسٽس منيب اختر جي سربراهي ۾ ڪميٽي جوڙي وئي آهي، اجلاس دوران آرٽيڪل 209 تحت ججن خلاف 35 شڪايتن جو جائزو ورتو ويو ۽ 30 شڪايتن جو ازالو ڪيو ويو، جڏهن ته 5 شڪايتن تي تبصرا طلب ڪيا ويا.
