ڪراچي (رپورٽر ) سنڌ جي تعليم واري وزير سيد سردار علي شاهه ۽ سنڌ جي يونيورسٽين ۽ بورڊز واري وزير محمد علي ملڪاڻي ڪراچي ۾ گڏيل پريس ڪانفرنس ڪندي پلاننگ اينڊ ڪميشن آف پاڪستان جي ضلعي تعليمي پروگرام انڊيڪس رپورٽ تي سخت ڳڻتي جو اظهار ڪندي چيو ته اسلام آباد جا ادارا زميني حقيقتن کان سواءِ “ڊيسڪ تجزيه نگار” وارو ڪردار ادا ڪري رهيا آهن، جڏهن ته حقيقت کي ڄاڻڻ کان سواءِ سنڌ جي تعليمي معيار کي پست ڪرڻ جي ڪوشش ڪئي وئي آهي.. صوبائي وزير تعليم سيد سردار علي شاهه پريس ڪانفرنس ڪندي چيو ته پلاننگ ڪميشن هڪ طرفي رپورٽ جاري ڪئي آهي. ھن چيو ته سنڌ ۾ اسڪول زبون حال آهن، اسان اڳ ئي چئي رهيا آهيون ته سنڌ ۾ تيز برساتن ۽ ٻوڏ سبب 20 هزار اسڪول متاثر ٿيا آهن، قدرتي آفتن سبب اسان جو تعليمي ڍانچو سخت متاثر ٿيو آهي، گڏيل قومن جي سيڪريٽري جنرل به ٻوڏ جي صورتحال جو جائزو وٺڻ لاءِ دورو ڪيو ۽ اهو چوڻ غير معقول آهي ته انفراسٽرڪچر ٻوڏ ۽ ڪارڪردگي کان متاثر ٿيو آهي. هن چيو ته پلاننگ ڪميشن جي ماڻهن کي خبر ناهي ته سنڌ پاڪستان جو اڪيلو صوبو آهي، جنهن جو نصاب يونيسڪو پاران هڪ غير جانبدار تجزيي تحت واضح ڪيو ويو آهي ته سنڌ جو نصاب سموري ملڪ جي نصاب کان بهتر ۽ جامع آهي، اسان پنهنجي نصاب ۾ ثقافت واري پاسي کي شامل ڪيو آهي جڏهن ته ٻارن کي سندن مادري زبان ۾ تعليم ڏيارڻ لاءِ قدم کنيا ويا آهن. سنڌ ۾ سڀني مذهبن جي ٻارن کي سندن مذهب جي تعليم ڏيڻ لاءِ نصاب تيار ڪيو ويو آھي، سنڌ پهريون صوبو آهي جنهن ٽرانس جينڊر جي تعليم واري پاليسي ٺاهي آھي. سردار علي شاهه وڌيڪ چيو ته سنڌ ۾ 60 هزار استادن کي ميرٽ تي ڀرتي ڪرڻ واري عمل ۾ مڪمل شفافيت کي نظرانداز ناھي ڪيو ويو، پنجاب جي اسڪولن ۾ استادن جي کوٽ آهي، خيبرپختونخواهه جا اسڪول خالي پيل آهن، ان تي ڪا به واضح ڳالهه ناهي، ڪجهه ڏينهن اڳ يونيسڪو 50 ملڪن جي استادن لاءِ ٽيسٽ ورتي، انهن مان پاڪستان مان اٺ استاد ڪامياب ٿيا، جن ۾ سنڌ جي سجاول ضلعي مان هڪ استاد پهريئين نمبر تي آيوآھي، جڏهن ته ٽاپ ٽين ۾ 2 ٻيا استاد به سنڌ سان تعلق رکن ٿا. سيد سردار علي شاهه پلاننگ ڪميشن جي شموليت واري انڊيڪس جي ٽيڪنالاجي واري پاسي تي ڳالهائيندي چيو ته سنڌ ۾ 100,000 چورس ڪلوميٽر زمين، ريگستان، جبل، ساحلي علائقا ۽ جبل آهن، جتي نيٽ ورڪ هڪ مسئلو آهي، ظاهر آهي، تعليم کاتو نيٽ ورڪ فراهم ڪرڻ جو ڪم نٿو ڪري سگهي، ٽيڪنالاجي جو مسئلو اسان تي سڌو سنئون لاڳو نٿو ٿئي، اسان ڪڏهن به پنهنجي نظام جي جائز خامين کي ناھي لڪايو. صوبائي وزير چيو ته پلاننگ ڪميشن جي پنهنجي رپورٽ ئي چوي ٿي ته سنڌ جي ضلعي نوشهروفيروز 69 مارڪون حاصل ڪري ڪارڪردگي جي حوالي سان پنجاب ۽ خيبرپختونخواهه جي سمورن ضلعن کي اڌ کان وڌيڪ پوئتي ڇڏي ڏنو آهي، نوشهروفيروز تعليمي حساب سان پنجاب جي 70 سيڪڙو ضلعن کان اڳتي آهي. صوبائي وزير چيو ته اسان ڪڏهن به پنهنجون خاميون ناھن لڪايون. سيد سردار شاهه چيو ته رپورٽ ۾ چيو ويو آهي ته سنڌ ۾ بورڊن کي او ايم آر مشينون نه ڏنيون ويون، جڏهن ته تعليم کاتي پاران او ايم آر مشينون بورڊ حوالي ڪيون ويون آھن. جنھن تي يونيورسٽين جي صوبائي وزير محمد علي ملڪاڻي چيو ته هن سال جا پيپر پراڻي طريقي سان چيڪ ڪيا ويا آهن، اسان ڪوشش ڪنداسين ته ايندڙ امتحان مارچ يا اپريل ۾ ڪرايون ۽ ايندڙ سال اسان ٽن يا چار پيپرن ۾ اي-مارڪنگ ۽ او ايم آر شيٽ لاڳو ڪنداسين.
