ميرپوربٺورو (رپورٽ: امتياز علي سومرو ) ڪارونجھر جو وڪرو سنڌ جي ھزارين سالن جي وجود تي وار آهي، سنڌ جي لکين ايڪڙ زمين ڪارپوريٽ فارمنگ جي نالي ۾ عالمي قوتن کي ڏئي ماروئڙن کان وسيلا کسيا پيا وڃن، اهڙن خيالن جو اظهار عوامي تحريڪ جي مرڪزي اڳواڻن پارٽي اجلاس کي خطاب ڪندي ڪيو. مرڪزي جنرل سيڪريٽري نوراحمد ڪاتيار، ڏاڏا قادر رانٽو، نورنبي پليجو، علي محمد پرويز، ڊاڪٽر دلدار لغاري، مٺا خان لاشاري ۽ ٻين خطاب ڪندي چيو ته موجوده حڪمرانن سنڌ جو پاڻي پنجاب کي ڏئي سنڌ جو نقصان ڪيو آھي، ڪارونجھر جو وڪرو سنڌ جي ھزارين سالن جي وجود تي وار آهي، سنڌ جي لکين ايڪڙ زمين ڪارپوريٽ فارمنگ جي نالي ۾ عالمي قوتن کي ڏئي سنڌ جي ماڻھن کان وسيلا کسيا پيا وڃن.
