اسلام آباد ( بيورو+ م ڊ ) اڳوڻي صدر ڊاڪٽر عارف علوي چيو آهي ته هن وقت سمورا ادارا روڊن تي نڪري آيا آهن، پاڪستان جا مالڪ رڳو شهري آهن، آئين ۽ ڳالهين کانسواءِ ڪو رستو ناهي.سيالڪوٽ ڊسٽرڪٽ بار ۾ وڪيلن کي خطاب ڪندي هن چيو ته سياسي پارٽيون رڳو رستا ڳولڻ لاءِ ٺاهيون وينديون آهن، جڏهن ڪو روڊ بلاڪ ٿي ويندو آهي ته حالت تباهي ڏانهن ويندي آهي، ڪيتريون ئي دهشتگرد تنظيمون ٺهي وينديون آهن ڇو ته جڏهن ڪو رستو ناهي هوندو.ڊاڪٽر عارف علوي چيو ته مان سمجهان ٿو ته هن وقت سمورا ادارا بند گهٽي ۾ هليا ويا آهن، الله رستو ڏيکاريندو. اڳوڻي صدر چيو ته پي ٽي آءِ باني عمران خان ان ڪري چوندو آهي ته آئين کان سواءِ ڪو رستو ناهي، رستي جي اعتبار جي باوجود هو چوي ٿو ته ڳالهيون نه ڪرڻيون آهن ته ان کانسواءِ ڪو ٻيو حل ناهي.هن چيو ته پاڪستان جا مالڪ رڳو سويلين آهن. ڊاڪٽر عارف علوي چيو ته اهو به ذهن ۾ رکو ته پاڪستان ۾ حادثاتي جمهوريت آهي، هن چيو ته اڳوڻي وزيراعظم بينظير شهيد ٿي ۽ جمهوريت واپس آئي، خدشو آهي ته ٻيهر ڪو حادثو نه ٿئي، ملڪي معيشت ڪوڙ جي ديوار تي ڪڏهن به بيهي نٿي سگهي.ان کانپوءِ گوجرانوالا ۾ ميڊيا سان ڳالهائيندي ڊاڪٽر عارف علوي چيو ته پي ٽي آءِ باني قربانيون ڏيڻ جي هدايت ڪئي هئي، جن کي سزا ڏني وئي انهن کي گهرن ڏانهن وڃڻ جو چيو ويو. اڳوڻي صدر چيو ته پاڪستان جا مالڪ رڳو شهري آهن، اصل آزادي خودمختياري سان ملندي آهي، عمران خان جيل ۾ رهندو پر ڊيل نه ڪندو، ڪراچي جي واپارين چيو ته قيدي نمبر 804 سان ڳالهه ٻولهه ڪيو، ملڪ ۾ عبوري بحران آهي. جيڪو جلد ختم ٿي ويندو. 9 مئي بابت ڳالهائيندي هن چيو ته سڄي پارٽي کي سزا ڇو ڏني پئي وڃي؟ 9 مئي ۾ ملوث ماڻهن جي جاچ ٿيڻ گهرجي پر ڪڏهن به هڪ طرفي فيصلو نه ڪيو وڃي، اسان وٽ 9 مئي جا ثبوت آهن، پاڪستان ۾ حادثاتي جمهوريت آهي، افسوس جي ڳالهه آهي ته ٻه ڪروڙ کان وڌيڪ ٻار اسڪولن کان ٻاهر آهن.
