برطانوي فوج سپاهين ۽ آفيسرن کي ڏاڙھي رکڻ جي اجازت ڏئي ڇڏي

لنڊن ( م ڊ ) برطانوي فوج جي سپاهين ۽ آفيسرن کي ڏاڙھي رکڻ جي اجازت ڏني وئي ، برطانوي ميڊيا موجب برطانوي فوج ڪيترن ئي مهينن کان پنهنجي پاليسي تي نظرثاني کانپوءِ سپاهين جي ڏاڙهي رکڻ تي پابندي ختم ڪري ڇڏي آهي،  سپاهين ۽ آفيسرن جي ڏاڙهين ۽ موڇن جي صفائي جو باقاعده معائنو ڪيو ويندو، رپورٽ ۾ چيو ويو آهي، پاليسي ۾ تبديلي جي توقع آهي ته نئين نوڪرين جي حوصله افزائي ڪئي ويندي، برطانوي ميڊيا موجب اها پاليسي فوري طور تي عمل ۾ ايندي، برطانوي ايئر فورس ۽ نيوي ان لاءِ اڳ ئي اجازت ڏئي چڪي آهي، رپورٽ ۾ چيو ويو آهي ته برطانوي فوج ۾ مسلمانن ۽ سکن کي اڳ ۾ ئي ڏاڙھي رکڻ جي اجازت آهي، ياد رهي ته ڊينمارڪ، جرمني ۽ بيلجيم جهڙيون ڪيتريون ئي پرڏيهي فوجون اڳ ۾ ئي فوجين کي ڏاڙھي رکڻ جي اجازت ڏئي چڪيون آهن .

  • وزيراعظم سرڪاري تقريبن ۾ پروٽوڪول لاءِ ريڊ ڪارپيٽ تي پابندي لڳائي ڇڏي

اسلام آباد ( م ڊ ) وزيراعظم شهباز شريف سرڪاري تقريب ۾ پروٽوڪول لاءِ ريڊ ڪارپيٽ تي پابندي لڳائي ڇڏي آهي.وزيراعظم شهباز شريف سرڪاري تقريب ۾ ريڊ ڪارپيٽ جي استعمال تي ناراضگي جو اظهار ڪيو آهي.وزيراعظم سمورن سرڪاري ڪمن ۾ پروٽوڪول لاءِ ريڊ  ڪارپيٽ تي پابندي لاڳو ڪري ڇڏي آهي، جنهن جو نوٽيفڪيشن پڻ جاري ڪيو ويو آهي.نوٽيفڪيشن موجب پروٽوڪول ريڊ ڪارپيٽ جي استعمال جي اجازت رڳو سفارتي تقريب ۾ هوندي.

 

You might also like
Leave A Reply

Your email address will not be published.