مارڪيٽ ۾ هڪ هزار جا جعلي نوٽ، اسٽيٽ بينڪ خبرداري ڪري ڇڏي

ڪراچي (م ڊ ) اسٽيٽ بئنڪ هڪ هزار رپين جي نوٽ جي سڃاڻپ لاءِ وڊيو جاري ڪئي آهي. اسٽيٽ بينڪ طرفان جاري ڪيل وڊيو ۾ ٻڌايو ويو آهي ته هڪ هزار رپين جي نوٽ جي سڃاڻپ سولي آهي. هڪ هزار جو  نوٽ مخصوص ڪاغذ سان ٺهيل هوندو آهي، نوٽ جي سامهون قائد اعظم جي تصوير جو واٽر مارڪ ڏسي سگهجي ٿو. تصوير جي هيٺان هڪ هزار رپين جو واٽر مارڪ به آهي. حفاظتي ڌاڳو آر پار ڏسڻ تي نظر اچي رهيو آهي، ان تي نوٽ تي ماليت به هوندي آهي، مٿي نوٽ جي ماليت ٽڪرن ۾ نظر ايندي آهي. هڪ هزار جي نوٽ جي سامهون ساڄي پاسي رنگ تبديل ڪندڙ جهنڊو به آهي.

  • ماهرن هٿرادو ذهانت جي ٽيڪنالاجي ذريعي سائبر ڏوهن کان آگاهه ڪري ڇڏيو

آسٽن (م ڊ ) هڪ ٽيڪنالاجي ماهر خبردار ڪيو آهي ته هٿرادو ذهانت جي ٽيڪنالاجي ۾ جدت جو سال 2024ع ۾ سائبر  ڏوهن جو طوفان اچڻ وارو آهي. سافٽ ويئر ڪمپني ڪرائوڊ اسٽرائيڪ جي چيف سيڪيورٽي آفيسر شان هينري تازو ئي پنهنجن خيالن جو اظهار ڪندي ٻڌايو آهي ته سائبر ڏوهاري هٿرادو ذهانت کي ماڻهن جي سائبر سيڪيورٽي دفاع تي حملا ڪرڻ سان گڏ، گمراهه ڪندڙ ڄاڻ پکيڙڻ يا ڪارپوريٽ نيٽورڪ ۾ پهچ لاءِ استعمال ڪري سگھو ٿا.
آمريڪي تحقيقي اداري فيڊرل بيورو آف انويسٽيگيشن (يف بي آءِ) جي رٽائرڊ عهديدار جو چوڻ هو ته سائبر ڏوهاري هٿرادو جو استعمال ڪندي چونڊن دوران اي آءِ جي استعمال سان غلط بيانيا پکيڙڻ لاءِ ماڻهن کي گمراهه ڪري سگھن ٿا ۽ امڪاني طور تي حساس ڄاڻ فراهم ڪري سگھن ٿا. سائبر سيڪيورٽي ويٽرن پاران اها تنبيهه ان وقت سامهون آئي آهي جڏهن هٿرادو ذهانت کي ماضي کان وڌيڪ ڪم ۾ آندو ويو آهي ۽ ان ۾ آمريڪا جون وفاقي ۽ رياستي حڪومتون به شامل آهن.

 

You might also like
Leave A Reply

Your email address will not be published.