گلشن اقبال (رپورٽ: شفقت نوناري) سچ سوشل ويلفيئر ايسوسيئيشن پاران قومي راڳي مرحوم سرمد سنڌيءَ جي ياد ۾ تقريب ڪوٺائي وئي، جنهن ۾ مختلف سياسي سماجي اڳواڻن امجد شاهه، بيدل مسرور اظهر جوکيو، وهاب سومرو ، جاويد شيخ، سجاد ظهير، آفتاب گوپانگ، سليم ميمڻ، رمضان رند، ذاڪر ڪانڌڙو ۽ ٻين وڏي انگ ۾ شرڪت ڪئي.تقريب ۾ سنڌ جي قومي فنڪار شھيد سرمد سنڌي جي ياد ۾ وائي ڳائي سندس ياد کي تازو ڪيو. تقريب کي خطاب ڪندي اديبن، ليکڪن ۽ شاعرن چيو ته سرمد سنڌي سنڌ جو ھڪ بھترين فنڪار ھو جنھن غريب ماروئڙن جي ڏکن کي ڳايو ۽ هو بنا ڪنهن لالچ جي سنڌي ماڻھن جي پروگرامن ۾ شرڪت ڪري سندن مان مٿانھون ڪندو ھو. هنن چيو ته سرمد سنڌيءَ جا ڪيترائي گيت اڄ به سنڌ سميت پوري دنيا ۾ مشھور آھن، جنھن ۾ مان ڏوھي آھيان مان ڏوھي آھيان ۽ منھنجي معصوم ٻچڙن جي سار لھجو منھنجي مرڻ کان پو، سنڌ جي ڌرتي منهنجي ماتا توتي پنهنجو سيس نمايا الا مٽي ماٿي لايان سميت ٻيا شامل آهن.
