اسلام آباد ( م ڊ ) پي ٽي آءِ باني توشه خانه ڪيس جو فيصلو معطل ڪرڻ لاءِ سپريم ڪورٽ ۾ اپيل داخل ڪري ڇڏي. سپريم ڪورٽ کي استدعا ڪئي وئي ته اسلام آباد هاءِ ڪورٽ جو فيصلو ڪالعدم قرار ڏنو وڃي ۽ موقف اختيار ڪيو ويو ته توشاخانا ڪيس ۾ سزا اڳ ئي معطل ٿي چڪي آهي. درخواست ۾ موقف اختيار ڪيو ويو آهي ته هاءِ ڪورٽ رڳو سزا معطل ڪئي، سمورو فيصلو ناهي. درخواست ۾ چيو ويو ته جيئن چونڊون ويجهو آهن ۽ پي ٽي آءِ جو باني ملڪ جو اڳوڻو وزيراعظم آهي، ملڪ جي سڀ کان وڏي پارٽي جي اڳواڻ کي چونڊن کان ٻاهر نٿو رکي سگهجي. درخواست ۾ چيو ويو ته سپريم ڪورٽ توشاخانا ڪيس ۾ سزا تي ٻڌل فيصلو معطل ڪري ته جيئن چونڊون وڙهجي سگهن.
